ठाकरे गटाला झटका, आदित्य यांचे निकटवर्तीय राहुल कानल शिंदे गटात प्रवेश करणार! Aditya Thackerays close Rahul Kanal will join the Shinde group

ठाकरे गटाला झटका, आदित्य यांचे निकटवर्तीय राहुल कानल शिंदे गटात प्रवेश करणार!

जाणून घ्या, पक्ष सोडण्यामागे काय आहे कारण

विशेष प्रतिनिधी

मुंबई : शिवसेना (उबाठा) नेते उद्धव ठाकरे यांच्या अडचणी कमी होण्याचे नाव घेत नाहीये. मुख्यमंत्री एकनाथ शिंदे यांच्या नेतृत्वाखालील बंडखोरीनंतर उद्धव ठाकरे गटातील अनेक नेत्यांनी पक्षाला सोडचिठ्ठी दिली आहे. आता या यादीत आणखी एका नावाची भर पडली आहे. उद्धव यांचे पुत्र आदित्य ठाकरे यांचे निकटवर्तीय राहुल कानल यांनी पक्ष सोडण्याची घोषणा केली आहे. 1 जुलै रोजी मुंबईत शिंदे सरकारच्या विरोधात भव्य मोर्चा काढण्यापूर्वी उद्धव ठाकरे यांच्यासाठी हा मोठा धक्का म्हणता येईल. Aditya Thackerays close Rahul Kanal will join the Shinde group

एबीपी न्यूजशी बोलताना राहुल कानल म्हणाले की, उद्धव ठाकरे काही लोकांच्या इशाऱ्यावर आपला पक्ष चालवत आहेत. ते म्हणाले की, उद्धव ठाकरे काही लोकांच्या सांगण्यावरून निर्णय घेतात आणि पक्षात इतर लोकांना धरून ठेवण्याची त्यांना इच्छा नाही.

तसेच, शनिवारी (1 जुलै) दुपारी 4 नंतर मी एकनाथ शिंदे यांच्या नेतृत्वाखालील शिवसेनेत प्रवेश करेन आणि त्यानंतर प्रसारमाध्यमांशी बोलणार असल्याचेही राहुल कानल यांनी सांगितले आहे.