30 वर्षीय आकाश अंबानी करणार जिओचे नेतृत्व : 65 वर्षीय मुकेश यांचा संचालकपदाचा राजीनामा, रिलायन्समध्ये ठरला उत्तराधिकारी|30-year-old Akash Ambani to lead JIO 65-year-old Mukesh resigns as director, becomes successor in Reliance

30 वर्षीय आकाश अंबानी करणार जिओचे नेतृत्व : 65 वर्षीय मुकेश यांचा संचालकपदाचा राजीनामा, रिलायन्समध्ये ठरला उत्तराधिकारी

वृत्तसंस्था

मुंबई : जगातील सर्वात श्रीमंत उद्योगपतींपैकी एक असलेले मुकेश अंबानी आपले साम्राज्य पुढच्या पिढीकडे सोपवण्याच्या योजनेवर काम करत आहेत. वडील धीरूभाई अंबानी यांच्या निधनानंतर भाऊ अनिल यांच्यातील स्टेक वाटपावरून झालेला वाद त्यांच्या मुलांमध्ये होऊ नये, अशी त्यांची इच्छा आहे.30-year-old Akash Ambani to lead JIO 65-year-old Mukesh resigns as director, becomes successor in Reliance

मंगळवारी मुकेश अंबानी यांनी जिओ इन्फोकॉम लिमिटेडच्या संचालकपदाचा राजीनामा दिला. रिलायन्स जिओच्या बोर्डाने त्यांचा मुलगा आकाश अंबानी याच्या बोर्डाच्या अध्यक्षपदी नियुक्तीला मान्यता दिली आहे. याआधी आकाश अंबानी बोर्डावर नॉन-एक्झिक्युटिव्ह डायरेक्टर म्हणून काम करत होते. पंकज मोहन पवार हे कंपनीचे व्यवस्थापकीय संचालक (MD) म्हणून पदभार स्वीकारतील.

भारत जगातील तिसरी मोठी अर्थव्यवस्था बनेल, रिलायन्सचे अध्यक्ष मुकेश अंबानी यांचा विश्वास

27 जून रोजी संचालक मंडळाची बैठक झाली असून त्यात हे निर्णय घेण्यात आले आहेत. कंपनीचे अतिरिक्त संचालक म्हणून रामिंदर सिंग गुजराल आणि केव्ही चौधरी यांच्या नियुक्तीलाही बोर्डाने मान्यता दिली आहे. या नियुक्त्या 27 जून 2022 पासून 5 वर्षांसाठी आहेत.

जिओचा ब्रँड बनण्याची कहाणी…

Jio ची 4G इकोसिस्टम उभारण्यात आकाश अंबानींचा मोठा हात आहे. रिलायन्स जिओमध्ये, आकाश अंबानी उत्पादने आणि डिजिटल सेवांच्या अनुप्रयोग विकासाशी जवळून संबंधित आहेत. Jioची 4G इकोसिस्टिम तयार करण्याचे श्रेय मुख्यत्वे आकाश अंबानी यांना जाते. 2020 मध्ये जगभरातील मोठ्या टेक कंपन्यांनी Jio मध्ये गुंतवणूक केली होती, आकाशने देखील भारतात जागतिक गुंतवणूक आणण्यासाठी कठोर परिश्रम केले होते. बाजार तज्ज्ञ प्रकाश दिवाण यांनी आकाश अंबानी यांच्याकडे कमान सोपवण्याचा निर्णय रिलायन्सच्या व्यवसायासाठी एक मोठे पाऊल असल्याचे वर्णन केले. कंपनीच्या आयपीओ योजनेचा एक भाग म्हणून उचललेले हे पाऊल असल्याचे त्यांनी सांगितले.

बिझनेस मॉडेल : आधी मार्केटवर पकड मजबूत, मग कमाईच कमाई

2016 मध्ये जेव्हा Jio लाँच झाला तेव्हा भारताच्या टेलिकॉम मार्केटमध्ये मोठी स्पर्धा होती. 8 कंपन्या असूनही वापरकर्त्यांना 1 मिनिट कॉलसाठी सरासरी 58 पैसे मोजावे लागले. जिओने सर्वप्रथम बाजारात पकड घेण्याचा निर्णय घेतला.

जिओने त्यांच्या सुरुवातीच्या दिवसांमध्ये अमर्यादित डेटा आणि उच्च दर्जाची कॉलिंग सेवा अत्यंत कमी किमतीत दिली. या धोरणामुळे इतर दूरसंचार ऑपरेटर्सनाही त्यांचे व्यवसाय मॉडेल बदलण्यास भाग पाडले. यामध्ये एअरटेल, आयडिया आणि व्होडाफोनचा समावेश होता.