जगातून यावर्षी कोरोना होणार हद्दपार, जागतिक आरोग्य संघटनेची खूषखबर

By, Sachin Deshmukh - January 4, 2022 08:22:51

0

विशेष प्रतिनिधी

न्यूयॉर्क – कोरोना विषाणूच्या साथीतून २०२२मध्ये जग मुक्त होऊ शकते, अशी आशा दाखवत जर आपण एकत्रितपणे लशीतील विषमता दूर करू शकलो तर हे शक्य होईल, असे प्रतिपादन जागतिक आरोग्य संघटनेचे अध्यक्ष टेड्रोस अधनोम घेब्रेयेसूस यांनी नववर्षाचा संदेश देताना केले.corona will finish this year

ते म्हणाले, ‘‘लशींतील असमानता प्रदीर्घ काळ कायम राहिल्यास या विषाणूच्या फैलावाचा धोका एवढा मोठा आहे की, आपण तो थोपवू शकत नाही किंवा त्याला अटकावही घालता येणार नाही. पण जर ही विषमता, असमानता संपुष्टात आणली तर ही साथही नष्ट होईल. यासाठी विकसित देशांनी त्यांच्याकडील लशींचा साठ दुसऱ्या देशांना दिला पाहिजे.

रात्रीच्या संचारबंदीला वैज्ञानिक आधार नाही, जागतिक आरोग्य संघटनेच्या वैज्ञानिकांचा दावा

‘‘कोरोना प्रतिबंधक लशींच्या असमानतेमुळेच ओमिक्रॉनसारखे कोरोनाचे प्रकार निर्माण होण्यास पोषक परिस्थिती निर्माण झाली. कोरोनामुळे निर्माण होणाऱ्या आरोग्यासंबंधीच्या समस्यां जगभरातील नागरिकांना पुढील वर्षी भेडसावतील.

नियमित लसीकरणाला लाखो लोक मुकतील, कुटुंब नियोजन, संसर्गजन्य आणि असंसर्गजन्य रोगांवरील उपचार त्यांना उपलब्ध होऊ शकणार नाहीत,’’ अशी शक्यताही त्यांनी वर्तविली.