US : लुईस्टनमध्ये २२ जणांची हत्या करणाऱ्या संशयिताचा सापडला मृतदेह, पोलिसांना आत्महत्येचा संशय US Body of suspect who killed 22 people found in Lewiston police suspect suicide

US : लुईस्टनमध्ये २२ जणांची हत्या करणाऱ्या संशयिताचा सापडला मृतदेह, पोलिसांना आत्महत्येचा संशय

सुरक्षा अधिकार्‍यांनी फेसबुकवर संशयित हल्लेखोराची रायफलसह दोन छायाचित्रे शेअर केली होती

विशेष प्रतिनिधी

अमेरिकेतील मेन राज्यातील लेविस्टन शहरात बुधवारी रात्री उशिरा झालेल्या गोळीबाराच्या घटनेत २२ जण ठार तर ५०हून अधिकजण जखमी झाले आहेत. तेव्हापासून सुरक्षा अधिकारी संशयित हल्लेखोराचा शोध घेत होते. मात्र, आता हल्लेखोराचा मृत्यू झाल्याचे वृत्त समोर येत आहे. US Body of suspect who killed 22 people found in Lewiston police suspect suicide

मीडिया रिपोर्ट्सनुसार, घटनेनंतर संशयित हल्लेखोर फरार असल्याने त्याचा शोध सुरू होता. दोन दिवसांनंतर सुरक्षा अधिकाऱ्यांना आरोपींचा मृतदेह आढळला. याबाबत फारशी माहिती मिळू शकली नाही, मात्र अधिकाऱ्यांनी पत्रकार परिषद बोलावली आहे. यापूर्वी, सुरक्षा अधिकार्‍यांनी फेसबुकवर संशयित हल्लेखोराची रायफलसह दोन छायाचित्रे शेअर केली होती आणि संशयिताची ओळख पटवण्यासाठी जनतेच्या मदतीचे आवाहन केले होते.

मीडिया रिपोर्ट्सनुसार, ४० वर्षीय रॉबर्ट कार्डचा मृतदेह लुईस्टनपासून आठ किलोमीटर दूर जंगलात सापडला. हा मृतदेह एका पुनर्वापर केंद्राजवळ सापडला जिथे तो नुकताच टाकून दिला होता. सूत्रांच्या हवाल्याने असे सांगण्यात आले आहे की, ही घटना घडल्यानंतर आरोपीने स्वत:वर गोळी झाडून घेतल्याचा पोलिसांना संशय आहे.

दरम्यान, शुक्रवारी घटनेच्या दोन दिवसांनंतर, अधिकाऱ्यांनी गोळीबाराच्या घटनेत ठार झालेल्यांची ओळख पटवली, ज्यात ७० वर्षीय जोडपे आणि १४ वर्षांच्या मुलाचा समावेश आहे. गोळीबाराच्या घटनेने दक्षिण मेनमधील या शहरात भीतीचे वातावरण निर्माण झाले आहे.