पाकिस्तानात भीषण रेल्वे दुर्घटना! ‘हजारा एक्स्प्रेस’ रुळावरून घसरली, २२ ठार, ८० जखमी Terrible train accident in Pakistan Hazara Express derailed 22 killed 80 injured

पाकिस्तानात भीषण रेल्वे दुर्घटना! ‘हजारा एक्स्प्रेस’ रुळावरून घसरली, २२ ठार, ८० जखमी

रावळपिंडीहून जाणाऱ्या हजारा एक्स्प्रेसच्या दहा बोगी रुळावरून घसरल्या आणि उलटल्या

विशेष प्रतिनिधी

लाहोर : पाकिस्तानमध्ये आज एक भीषण रेल्वे दुर्घटना घडली आहे. रावळपिंडीहून जाणाऱ्या हजारा एक्स्प्रेसच्या दहा बोगी रुळावरून घसरल्या आणि उलटल्या, किमान २२ जणांचा मृत्यू झाला आणि ८० जण जखमी झाले. जिओ टीव्हीच्या वृत्तानुसार, शहजादपूर आणि नवाबशहा दरम्यान असलेल्या सहारा रेल्वे स्थानकाजवळ ही दुर्घटना घडली. Terrible train accident in Pakistan Hazara Express derailed 22 killed 80 injured

ज्यावेळी हा अपघात झाला, त्यावेळी ट्रेन कराचीहून पाकिस्तानातील पंजाबला जात होती. मिळालेल्या माहितीनुसार, जखमींना नवाबशाह येथील पीपल्स मेडिकल हॉस्पिटलमध्ये दाखल करण्यात आले आहे. ट्रेन रुळावरून घसरण्याचे नेमके कारण अद्याप समजू शकलेले नाही. अपघातानंतर जवळच्या रुग्णालयांमध्ये आपत्कालीन प्रोटोकॉल लागू करण्यात आला आहे.

वृत्तसंस्थेनुसार, पाकिस्तान रेल्वेचे उपअधीक्षक महमूद रहमान यांनी पुष्टी केली की दुर्घटना झालेल्या बोगीतून किमान 22 मृतदेह बाहेर काढण्यात आले आहेत, तर सुमारे 80 जखमींना रुग्णालयात नेले जात आहे. सध्या बचाव कार्य आणि रुळावरून घसरलेल्या डब्यांमधून लोकांना बाहेर काढण्यावर भर आहे.