ड्रग्जविरुद्ध श्रीलंकेची धडक कारवाई, तब्बल 15 हजार जणांना अटक; 440 किलो ड्रग्ज जप्त|Sri Lanka's crackdown on drugs, as many as 15 thousand people arrested; 440 kg of drugs seized

ड्रग्जविरुद्ध श्रीलंकेची धडक कारवाई, तब्बल 15 हजार जणांना अटक; 440 किलो ड्रग्ज जप्त

वृत्तसंस्था

कोलंबो : श्रीलंकेने अंमली पदार्थांच्या तस्करी प्रकरणी कारवाई करून 15 हजार लोकांना ताब्यात घेतले आहे. या कालावधीत सुमारे 440 किलो अंमली पदार्थ जप्त करण्यात आले आहेत. यामध्ये 272 किलो भांग, 35 किलो गांजा आणि 9 किलो हेरॉईनचा समावेश आहे.Sri Lanka’s crackdown on drugs, as many as 15 thousand people arrested; 440 kg of drugs seized

श्रीलंकेच्या पोलिसांनी दिलेल्या माहितीनुसार, अटक केलेल्यांपैकी 13 हजार 666 जण तस्करी प्रकरणात संशयित आहेत, तर सुमारे 1100 ड्रग्ज व्यसनी आहेत. व्यसनातून मुक्त होण्यासाठी त्यांना लष्करी सुविधेत पाठवण्यात आले आहे. खरे तर, श्रीलंकेतील ड्रग्ज तस्करांना आळा घालण्यासाठी युक्तिया (म्हणजे न्याय) नावाची विशेष मोहीम या महिन्यात सुरू करण्यात आली होती.

गुजरात पोलिसांची संभाजीनगरात धडक कारवाई, पैठण एमआयडीसीतील कंपनीतून 500 कोटींचे ड्रग्ज जप्त

ख्रिसमसच्या पार्श्वभूमीवर काही दिवस छापेमारी थांबवण्यात येणार असल्याचे पोलिसांनी सांगितले. मात्र, मानवाधिकार कार्यकर्ते हेजाझ हिजबुल्लाहने या कारवाईला विरोध दर्शवला आहे. पोलिस कोणत्याही सर्च वॉरंटशिवाय छापे टाकत असल्याचा आरोप त्यांनी केला आहे.

NCB ने श्रीलंका-मालदीवसह ऑपरेशन केले.

भारतीय नौदलाव्यतिरिक्त, भारताच्या नार्कोटिक्स कंट्रोल ब्युरोने ऑपरेशन समुद्रगुप्तावर श्रीलंका आणि मालदीवसोबतही काम केले. एकमेकांची माहिती सामायिक केली गेली, ज्यामुळे श्रीलंकेच्या नौदलाने डिसेंबर 2022 आणि एप्रिल 2023 मध्ये दोन ऑपरेशन केले.

यामध्ये 286 किलो हेरॉईन आणि 128 किलो मेथॅम्फेटामाइन जप्त करण्यात आले असून 19 अंमली पदार्थ तस्करांना अटक करण्यात आली आहे. तसेच, मालदीव पोलिसांनी मार्च महिन्यात 4 किलो हेरॉईन जप्त करून 5 तस्करांना अटक केली होती.