कॅनडाच्या जंगलातील आगीचा धूर अमेरिकेत पोहोचला, प्रदूषणाचा अलर्ट जारी, बायडेन यांनी पाठवले 600 फायर फायटर्स|Smoke from Canadian forest fires reaches US, pollution alert issued, Biden sends 600 firefighters

कॅनडाच्या जंगलातील आगीचा धूर अमेरिकेत पोहोचला, प्रदूषणाचा अलर्ट जारी, बायडेन यांनी पाठवले 600 फायर फायटर्स

वृत्तसंस्था

टोरंटो : कॅनडाच्या जंगलात लागलेल्या आगीचा धूर अमेरिकेपर्यंत पोहोचला आहे. यामुळे अमेरिकेच्या पूर्व किनारपट्टीवरील सर्व शाळांनी विद्यार्थ्यांना बाहेर पडण्यास मज्जाव केला आहे. इथे आकाशात पिवळे धुके आहे. धुरामुळे न्यूयॉर्कसह अमेरिकेतील अनेक राज्यांमध्ये प्रदूषणाबाबत अलर्ट जारी करण्यात आला आहे. मीडिया रिपोर्ट्सनुसार, शिकागो ते अटलांटापर्यंत सुमारे 10 कोटी लोक प्रदूषणाच्या विळख्यात आहेत.Smoke from Canadian forest fires reaches US, pollution alert issued, Biden sends 600 firefighters

अमेरिकेचे राष्ट्राध्यक्ष जो बायडेन यांनी गुरुवारी आगीवर नियंत्रण मिळवण्यासाठी 600 अग्निशमन जवान कॅनडात पाठवले. परिस्थितीचा आढावा घेण्यासाठी त्यांनी कॅनडाचे पंतप्रधान जस्टिन ट्रुडो यांच्याशी फोनवर चर्चा केली. त्यांनी कॅनडाला सर्वतोपरी मदत करण्याचे आश्वासन दिले.

कॅनडाच्या निवडणुकीत चीनच्या हस्तक्षेपाचा आरोप : पीएम ट्रुडो यांच्यावर तपास करण्यासाठी दबाव वाढला, चीनने याला अपमानास्पद म्हटले

आगीमुळे 1 लाख 20 हजारांहून अधिक लोक स्थलांतरित

वास्तविक, कॅनडाच्या जंगलात आतापर्यंतची सर्वात भीषण आग लागली आहे. त्याचा परिणाम येथील सर्व 10 प्रांत आणि शहरांमध्ये दिसून येत आहे. अधिकाऱ्यांच्या म्हणण्यानुसार ऑगस्टपर्यंत परिस्थिती आणखी बिघडण्याची शक्यता आहे. आतापर्यंत सुमारे 38 हजार चौरस किलोमीटर क्षेत्र जळून खाक झाले आहे. हे गेल्या 10 वर्षांच्या सरासरीपेक्षा 13 पट अधिक आहे आणि बेल्जियमच्या एकूण क्षेत्रफळापेक्षा मोठे आहे. यामुळे 1 लाख 20 हजारांहून अधिक लोकांना घरे सोडावी लागली.

न्यूयॉर्कमधील हवेची गुणवत्ता दिल्लीपेक्षा वाईट

कॅनडाच्या जंगलातील आगीचा अमेरिकेवर काय परिणाम झाला हे न्यूयॉर्कच्या एअर क्वालिटी इंडेक्सवरून मोजता येते. तेथे बुधवारी हवेची गुणवत्ता खराब झाली. बुधवारी दुपारी न्यूयॉर्कचा एअर क्वालिटी इंडेक्स 342 वर पोहोचला होता. जो दिल्लीच्या एअर क्वालिटी इंडेक्स 164 आणि दुबईच्या एअर क्वालिटी इंडेक्स 168 च्या दुप्पट आहे.