चिनी राष्ट्राध्यक्ष शी जिनपिंगविरोधात फ्रान्समध्ये निदर्शने; ताफ्याच्या मार्गावर 'स्वतंत्र तिबेट'चे बॅनर; दोघांना अटक|Protests in France against Chinese President Xi Jinping; 'Independent Tibet' banners on the convoy route; Both were arrested

चिनी राष्ट्राध्यक्ष शी जिनपिंगविरोधात फ्रान्समध्ये निदर्शने; ताफ्याच्या मार्गावर ‘स्वतंत्र तिबेट’चे बॅनर; दोघांना अटक

वृत्तसंस्था

पॅरिस : चीनचे राष्ट्राध्यक्ष शी जिनपिंग दोन दिवसांच्या फ्रान्स दौऱ्यावर आहेत. दरम्यान, पॅरिसमध्ये सोमवारी तिबेटींनी त्यांच्याविरोधात निदर्शने केली. तिबेटच्या स्वातंत्र्याची मागणी करत आंदोलकांनी राष्ट्राध्यक्ष शी जिनपिंग यांच्या ताफ्याला ‘फ्री तिबेट’चे झेंडे दाखवले. याशिवाय उईगर मुस्लिम समुदायानेही जिनपिंग यांच्यावर मानवी हक्कांचे उल्लंघन केल्याचा आरोप करून त्यांच्या फ्रान्स दौऱ्याला विरोध केला.Protests in France against Chinese President Xi Jinping; ‘Independent Tibet’ banners on the convoy route; Both were arrested

खरे तर 23 मे 1951 रोजी चीनने बळजबरीने तिबेटवर कब्जा केला होता. तेव्हापासून तिबेटमधील लोक वेगवेगळ्या व्यासपीठांवरून याविरोधात सातत्याने निदर्शने करत आहेत. 2019 नंतर जिनपिंग पहिल्यांदाच युरोपला भेट देत आहेत. या भेटीच्या निषेधार्थ स्टुडंट्स फॉर ए फ्री तिबेट (SFT) नावाच्या संघटनेने चीनविरोधात बॅनर आणि झेंडे फडकावले. यानंतर पोलिसांनी दोन कार्यकर्त्यांना ताब्यात घेतले.

खळबळजनक : झारखंडमध्ये सापडलं घबाड! 6 मशीन, 12 तास, 30 कोटी रोख आणि मोजणी सुरूच…

ह्युमन राइट्स वॉच (HRW) ने फ्रान्सचे अध्यक्ष इमॅन्युएल मॅक्रॉन यांच्याकडे उइगर, तिबेटी आणि हाँगकाँगच्या लोकांच्या स्वातंत्र्याचा आणि अधिकारांचा मुद्दा जिनपिंग यांच्याकडे मांडण्याची मागणी केली आहे. तसेच, आपल्या हक्कांसाठी आवाज उठवल्याबद्दल चीनमध्ये वर्षानुवर्षे तुरुंगवास भोगलेल्या लोकांना तुरुंगातून सोडण्यास सांगितले आहे.

तिबेटी लोकांनी मॅक्रॉन यांना चीनच्या बोर्डिंग स्कूलमध्ये तिबेटी मुलांवर होणाऱ्या अत्याचाराबाबत जिनपिंग यांना जाब विचारण्यास सांगितले आहे. त्याचबरोबर अनेक फ्रेंच नेते युक्रेन युद्धात रशियाला पाठिंबा दिल्याबद्दल जिनपिंग यांना विरोध करतील.

फ्रान्स आणि चीन यांच्यातील राजनैतिक संबंधांना 60 वर्षे पूर्ण झाल्याचा उत्सव साजरा करण्यासाठी जिनपिंग आले. या भेटीनंतर ते हंगेरी आणि सर्बियालाही भेट देणार आहेत. फ्रान्सचे पंतप्रधान गॅब्रिएल अटल यांनी रविवारी (5 मे) पॅरिस विमानतळावर जिनपिंग आणि त्यांची पत्नी पेंग लियुआन यांचे स्वागत केले.

जिनपिंग आज एलसी पॅलेस येथे युरोपियन कमिशनच्या प्रमुख उर्सुला वॉन डेर लेन आणि मॅक्रॉन यांच्यासोबत राज्य मेजवानीचे आयोजन करतील. यावेळी रशिया-युक्रेन युद्ध संपवण्याबाबत चर्चा होणार आहे. मात्र, चीन युद्धात कोणत्याही एका बाजूचे समर्थन करत नसल्याचे जिनपिंग यांनी स्पष्ट केले आहे.