पाकिस्तानी मुस्लीमही करत आहेत पंतप्रधान मोदींच्या नेतृत्वाची प्रशंसा, मेलबर्नमध्ये ‘’मोदी है तो मुमकिन है’’ नारा!

By, Sachin Sutar - April 25, 2023 06:45:19

0

मोदी सर्व समुदायांच्या विकासाबाबत बोलत आहेत, त्यांचे प्रयत्न योग्य दिशेन सुरू आहेत. असेही म्हटले गेले आहे.

विशेष प्रतिनिधी

मेलबर्न : पंतप्रधान नरेंद्र मोदी यांचे जगभरात चाहते आहेत. ऑस्ट्रेलियाही त्याला अपवाद नाही. येथे मुस्लीम, ख्रिश्चनांसह इतर अनेक धार्मिक समुदायांच्या सदस्यांनी पंतप्रधान मोदींच्या नेतृत्वाची भरभरून स्तुती केली. मेलबर्नमधील एका कार्यक्रमात पंतप्रधान मोदींच्या ‘सर्व समुदायांचा आदर करण्याच्या भावनेचे’ कौतुक करण्यात आले. वृत्तसंस्था ANI नुसार, NID फाउंडेशनच्या पुढाकाराने २३ एप्रिल रोजी मेलबर्नच्या बुंजिल पॅलेस येथे आयोजित विश्व सद्भावना कार्यक्रमात विद्वान, विचारवंत, प्रचारक, धार्मिक नेते आणि संशोधक सहभागी झाले होते. इंडियन मायनॉरिटीज फाउंडेशन (IMF), NID फाउंडेशन नवी दिल्ली आणि नामधारी शीख सोसायटी यांच्या संयुक्त विद्यमाने हा कार्यक्रम आयोजित करण्यात आला होता. Pakistani Muslims are also praising PM Modis leadership

कार्यक्रमात, पाकिस्तानातील लाहोर येथील अहमदिया मुस्लीम समुदायाचे सदस्य डॉ. तारिक भट्ट म्हणाले, ‘मी वैयक्तिकरित्या सांगू शकतो की माझे बरेच मित्र भारतीय आहेत. मी त्यांना येथे एकत्र येऊन अनेक उपक्रम करताना पाहिले आहे. आम्ही देखील त्यांच्या उपक्रमांचा एक भाग आहोत. माझा विश्वास आहे की भारतीय मुस्लीम आणि पाकिस्तानी मुस्लीम ऑस्ट्रेलियात एकमेकांच्या जवळ आले आहेत. आम्हाला मतभेदापेक्षा समानता अधिक आणायची आहे. ‘’मोदी है तो मुमकिन है’’

भट्ट यांनी हा उपक्रम एक मोठा उपक्रम असल्याचे वर्णन केले. यामुळे हिंदू आणि मुस्लीम समाजाला एकाच व्यासपीठावर आणण्यास मदत होईल, असे ते म्हणाले. मुस्लीम विद्वान पुढे म्हणाले की, पंतप्रधान मोदींनी इतर समुदायांसोबत शांतता आणि सौहार्द प्रस्थापित करण्यासाठी दिलेले प्रोत्साहन योग्य दिशेने आहे. ते म्हणाले, ‘लोक आपली धार्मिक ओळख विसरून पंतप्रधान मोदींच्या मागे लागले आहेत. यावरून त्याचा करिष्मा दिसून येतो. एनआयडी फाऊंडेशन ‘वसुधैव कुटुंबकम’ हे भारताचे स्वप्न पुढे नेत आहे. ‘वसुधैव कुटुंबकम’ या भावनेने पुढे जाण्याचे आवाहनही पंतप्रधान मोदी वारंवार करत आहेत.

As leaves of a tree, though diverse, are one at the trunk, so too is the "Religion of Humanity", encompassing values of truth, peace, harmony, pluralism, and unity that underlie all faiths.@NID_Foundation, @Minoritiesfdn is committed to work with Namdhari Sikh society, Australia… pic.twitter.com/u7qK3SjrtN

— Satnam Singh Sandhu (Modi Ka Parivar) (@satnamsandhuchd) April 24, 2023

NSWचे अहमदिया मुस्लीम इम्तियाज अहमद नावीद यांनी पंतप्रधान मोदींचे कौतुक केले आणि म्हटले की भारतीय पंतप्रधान शांतता प्रस्थापित करण्याचा प्रयत्न करत आहेत. ते म्हणाला, ‘ज्या बातम्या मी पाहतो. मला वाटतं ते खूप मेहनत करत आहेत. त्यांना सर्व धर्मांना एका व्यासपीठावर आणायचे आहे. ते सर्वांचा विकासाबद्दल बोलतात आणि शांतता प्रस्थापित करण्याचा प्रयत्न करत आहेत. मला वाटते की ते त्यांच्यापरीने प्रयत्न करत आहेत.