New York Diwali Holiday : आता न्यूयॉर्कमधील शाळांनाही असणार दिवाळीची सुट्टी!

By, Sachin Sutar - June 27, 2023 11:00:06

0

महापौर एरिक अॅडम्स यांनी घोषणा करत दिल्या शुभेच्छाही दिल्या

विशेष प्रतिनिधी

न्यूयॉर्क : अमेरिकेतील न्यूयॉर्कमध्ये राहणाऱ्या प्रवासी भारतीयांच्या संस्कृतीला महत्त्व देत येथील प्रशासनाने शाळांच्या सार्वजनिक सुट्टीच्या यादीत दिवाळीचा समावेश केला आहे. शहराचे महापौर एरिक अॅडम्स यांनी सोमवारी ही घोषणा केली. शहरातील दक्षिण आशियाई आणि भारतीय कॅरेबियन समुदायाचा आकार लक्षात घेऊन हा निर्णय घेण्यात आल्याचे त्यांनी सांगितले. Now schools in New York will also have a Diwali holiday

न्यूयॉर्कचे महापौर एरिक अॅडम्स यांनी सोमवारी सुट्टीची माहिती ट्विट केली. एरिकने यांनी सांगितले की, ‘’आतापासून दिव्यांचा सण असलेल्या दिवाळीला न्यूयॉर्क शहरातील शाळांना सुट्टी असेल. विधानसभा सदस्य जेनिफर राजकुमार यांच्यासह इतर समाजाच्या नेत्यांनी मला दिवाळीच्या सुट्टीच्या निर्णयात मदत केली. हे म्हणणे जरा लवकर आहे पण तरीही दिवाळीच्या शुभेच्छा.’’

अॅडम पुढे म्हणाल्या की, आता नकोसे वाटण्याची गरज नाही. तुम्ही या शहराचा एक भाग आहात. तुम्हाला बाहेरचे मानले जाणार नाही. न्यूयॉर्क सर्वांसाठी आहे. तुम्ही कुठून आलात याची आम्हाला पर्वा नाही. न्यूयॉर्क विधानसभा सदस्य जेनिफर राजकुमार यांनी ट्विट करून लोकांना शुभेच्छा दिल्या. नवीन कायद्यासाठी महापौरांसह लढा देणे ही माझ्यासाठी अभिमानाची बाब असल्याचे त्यांनी सांगितले.

मात्र, या विधेयकावर राज्यपाल कॅथी हॉचुल यांची स्वाक्षरी होणे बाकी आहे. परंतु महापौर म्हणतात की त्यांना विश्वास आहे की राज्यपाल या विधेयकावर स्वाक्षरी करतील. कॅलेंडरवर दिवाळीची सुट्टी ब्रुकलिन-क्वीन्स डेची जागा घेईल. परदेशी मीडियानुसार, न्यूयॉर्कच्या शाळा 2015 पासून ईद-उल-फित्र आणि ईद-उल-अधासाठी सुटी देत आहेत.