नेवलनींच्या पत्नीने पुतिनविरोधात थोपटले दंड, पतीचे काम पुढे नेण्याचा निर्धार, समर्थकांना एकत्र येण्याचे आवाहन|Navalny's wife lashes out at Putin, vows to carry on husband's work, urges supporters to unite

नेवलनींच्या पत्नीने पुतिनविरोधात थोपटले दंड, पतीचे काम पुढे नेण्याचा निर्धार, समर्थकांना एकत्र येण्याचे आवाहन

वृत्तसंस्था

मॉस्को : रशियाचे राष्ट्राध्यक्ष व्लादिमीर पुतिन यांचे सर्वात मोठे विरोधक अलेक्सी नेवलनी यांचा 16 फेब्रुवारी रोजी तुरुंगात मृत्यू झाला. यानंतर नेवलनी यांचा मृत्यू पुतिन यांच्यामुळे झाल्याचा दावा त्यांच्या टीमने केला. आता नेवलनी यांची पत्नी युलिया नेवलनी यांनीही नेवलनी यांच्या मृत्यूसाठी पुतिन यांना जबाबदार धरले आहे.Navalny’s wife lashes out at Putin, vows to carry on husband’s work, urges supporters to unite

युलिया नेवलनींनी सोमवारी (19 फेब्रुवारी) ॲलेक्सी नेवलनींच्या यूट्यूब चॅनेलवर एक व्हिडिओ शेअर केला. यामध्ये नेवलनींच्या मृत्यूसाठी पुतिनला जबाबदार धरत त्या म्हणाल्या – नेवलनींच्या हत्येसोबतच पुतिन यांनी मलाही अर्धे संपवले आहे. पुतिन यांनी माझे अर्धे हृदय आणि अर्ध्या आत्म्याचा नाश केला आहे, परंतु माझा अर्धा भाग शिल्लक आहे आणि म्हणतो की आपण हार मानू नये.

आजच्या जगात भारतासारखे धोरण ठेवणे सोपे नाही, व्लादिमीर पुतिन यांनी पुन्हा केले पीएम मोदींचे कौतुक

युलियांनी सांगितले की, त्या पुतीन यांच्या विरोधात राजकीय शक्ती तयार करणार असून आपल्या समर्थकांसह पुतिन यांच्या विरोधात रॅली काढणार आहे. युलिया म्हणाल्या- मी माझ्या पतीचे काम पुढे नेईन. मी पुतिन विरोधात नेवलनींप्रमाणेच आवाज उठवीन.

काय म्हणाल्या युलिया…

नेवलनींच्या पत्नी युलिया म्हणाल्या की, नेवलनींच्या अनुयायांना सांगण्यासाठी मी माझ्या पतीच्या यूट्यूब चॅनेलवर प्रथमच आले आहे की त्यांच्या वारशाचा सन्मान करण्यासाठी आपण आणखी कट्टरपंथी व्हायला हवे. पुतिन यांच्या विरोधात आवाज उठवला पाहिजे.

त्या पुढे म्हणाल्या, मी नेवलनी यांचे कार्य पुढे नेणार आहे आणि माझ्या देशासाठी लढण्यास तयार आहे. या लढ्यात तुम्ही सर्वांनी मला साथ द्यावी अशी माझी इच्छा आहे. ज्याने आमचे भविष्य उद्ध्वस्त करण्याचा प्रयत्न केला त्या व्यक्तीविरुद्ध तुम्ही सर्वांनी आवाज उठवावा अशी माझी इच्छा आहे.

त्या असेही म्हणाल्या की, मला माहित आहे की आपण काय करणार आहोत ते अशक्य आहे, परंतु आपल्याकडे दुसरा पर्याय नाही. हे प्रयत्न करायला हवेत. मला आमच्या दोन्ही मुलांनी मुक्त रशियामध्ये राहायचे आहे, ज्या स्वातंत्र्यासाठी नेवलनींनी आपले प्राण दिले. त्यांचे बलिदान व्यर्थ जाऊ नये. नेवलनी यांची इच्छा असती तर पुतिन यांच्या विरोधात आवाज उठवण्याऐवजी ते रशियाबाहेर नवीन जीवन स्वीकारू शकले असते, पण त्यांनी तसे केले नाही. त्यांचे रशियावर सर्वात जास्त प्रेम होते. नेवलनी यांच्या आठवणी पुतिनविरोधातील आंदोलनाला बळ देतील.