Greta Thunberg’s ship : इस्रायलने ग्रेटा थनबर्गचे जहाज घेतले ताब्यात; समुद्रात 5 बोटींनी घेरले, सर्वांना गाझाऐवजी इस्रायलला नेले

By, Pravin Wankhade - June 9, 2025 02:00:26

0

वृत्तसंस्था

तेल अवीव : Greta Thunberg’s ship इस्रायलने स्वीडिश पर्यावरण कार्यकर्त्या आणि नोबेल शांतता पुरस्कार विजेत्या ग्रेटा थनबर्ग आणि त्यांच्या जहाजाला ताब्यात घेतले आहे. सोमवारी पहाटे ५ इस्रायली स्पीड बोटींनी जहाजाला वेढा घातला. त्यानंतर, सैनिक जहाजावर चढले आणि ताब्यात घेतले.Greta Thunberg’s ship

हे जहाज गाझामधील लोकांसाठी मदत साहित्य घेऊन जात होते. मॅडेलिन नावाच्या या जहाजात १२ लोक आहेत. सर्वजण सैन्याच्या ताब्यात आहेत. आता हे जहाज गाझाऐवजी इस्रायलला नेले जात आहे.

ग्रेटा आणि त्यांच्या साथीदारांनी एक व्हिडिओ जारी केला आहे ज्यामध्ये इस्रायली सैनिकांनी त्यांचे आणि साथीदारांचे आंतरराष्ट्रीय पाण्यात अपहरण केल्याचा आरोप केला आहे.

पर्यावरणपूरक भविष्याकडे महाराष्ट्राची वाटचाल; कृषी क्षेत्राच्या संपूर्ण विजेची गरज सौरऊर्जेतून करणार पूर्ण!!

ग्रेटा गाझामधील लोकांसाठी औषधे, धान्य, मुलांसाठी दूध, डायपर आणि पाणी शुद्ध करणारे यंत्र घेऊन जात होत्या.

ग्रेटाने सुटकेसाठी कुटुंबीयांकडून आणि स्वीडिश सरकारकडून मदत मागितली

SOS! the volunteers on 'Madleen' have been kidnapped by Israeli forces.
Greta Thunberg is a Swedish citizen.
Pressure their foreign ministries and help us keep them safe!

Web: https://t.co/uCGmx8sn8j
X : @SweMFA
FB : @SweMFA
IG : swedishmfa#AllEyesOnMadeleen pic.twitter.com/76Myrg2Bnz

— Freedom Flotilla Coalition (@GazaFFlotilla) June 9, 2025

१ जून रोजी थनबर्ग टीमसह इटलीच्या सिसिली बेटावरून निघाल्या. जाण्यापूर्वी ग्रेटाने एक विधान केले- जर मानवतेमध्ये थोडीही आशा शिल्लक असेल तर आपण पॅलेस्टाईनसाठी बोलले पाहिजे. हे अभियान कठीण आणि धोकादायक असू शकते, परंतु गाझामध्ये काय घडत आहे यावर मौन बाळगणे आणखी वाईट आहे.

गाझा येथे मॅडेलिन मिशन काय आहे?

इस्रायलने २ मार्चपासून गाझामध्ये मदत साहित्याच्या प्रवेशावर पूर्णपणे बंदी घातली आहे, ज्यामुळे तेथील २.३ दशलक्ष लोकांपैकी ९३% लोक उपासमारीचा सामना करत आहेत. डझनभर मुले उपासमारीने मरण पावली आहेत. मॅडेलिन जहाज या लोकांना मदत पोहोचवण्यासाठी होते.

हा प्रवास ‘फ्रीडम फ्लोटिला’ (FFC) नावाच्या संस्थेने सुरू केला होता, ज्याने यापूर्वी गाझामध्ये मदत पोहोचवण्याचा प्रयत्न केला आहे. ग्रेटा आणि टीम गाझामध्ये अनेक वर्षांपासून सुरू असलेल्या इस्रायली नाकेबंदीचा निषेध करत आहेत.