London : लंडनमधील वीज केंद्राला आग, सर्वात मोठे विमानतळ बंद; 1300 उड्डाणे रद्द

By, Pravin Wankhade - March 22, 2025 12:30:11

0

वृत्तसंस्था

लंडन : London ब्रिटनची राजधानी लंडनमधील हीथ्रो विमानतळ आज म्हणजेच शुक्रवारी बंद करण्यात आले. गुरुवारी रात्री विमानतळाजवळील एका विद्युत उपकेंद्रात आग लागल्याने विमानतळाचा वीजपुरवठा खंडित करावा लागला. यामुळे १३०० उड्डाणे रद्द करण्यात आली आहेत, ज्यामुळे २ लाख ९१ हजार प्रवाशांवर परिणाम झाला आहे.London

पश्चिम लंडनमधील हेस येथे आग लागली. यामुळे ५,००० हून अधिक घरांचा वीजपुरवठा खंडित झाला. येथून सुमारे १५० लोकांना सुरक्षितपणे बाहेर काढण्यात आले आहे. शुक्रवारी सकाळपर्यंत ७० अग्निशमन दलाच्या जवानांसह लंडन अग्निशमन दलाने बहुतेक आग आटोक्यात आणली. मात्र, आग अद्याप पूर्णपणे विझलेली नाही.

ब्रिटनचे दहशतवाद विरोधी पोलिस या प्रकरणाची चौकशी करत आहेत. सबस्टेशनला लागलेल्या आगीमागे काही वाईट हेतू होता का, याचा शोध पोलिस घेत आहेत.

Rohit Pawar राष्ट्रवादी काँग्रेसचे आमदार निवडून आले दहा; पण आजोबा कसे आणि किती लढले, नातवाने सांगितले पाहा!!

विद्युत उपकेंद्राला आग लागल्यानंतर हीथ्रोहून उड्डाणे रद्द

१० दिवसांपूर्वी जर्मनीतील सर्व विमानतळांवर उड्डाणे थांबवण्यात आली होती

९ मार्च रोजी जर्मनीतील सर्व विमानतळांच्या कर्मचाऱ्यांनी एक दिवसाचा संप पुकारला. यामुळे सोमवारी (भारतीय वेळेनुसार) देशभरातील हवाई प्रवास थांबला. या संपामुळे देशभरातील १३ प्रमुख विमानतळांवरील ३,४०० उड्डाणे रद्द करण्यात आली, ज्यात फ्रँकफर्ट आणि म्युनिक सारख्या प्रमुख विमानतळांचा समावेश आहे. यामुळे ५ लाखांहून अधिक प्रवाशांना फटका बसला.

देशात २५ लाख सरकारी कर्मचारी असलेल्या वर्डी युनियनने पगारवाढीच्या मागणीसाठी हा संप पुकारला होता. जर्मन वेळेनुसार, हा संप १० मार्चपासून सुरू होणार होता, परंतु तो नियोजित वेळेच्या एक दिवस आधी सुरू करण्यात आला.