Elon Musk Twitter : एलन मस्क यांची ट्विटरला ४३ अब्ज डॉलरमध्ये खरेदी करण्याची ऑफर, ट्विटरच्या शेअर्समध्ये झपाट्याने वाढ|Elon Musk Twitter Elon Musk offers to buy Twitter for 43 billion, Twitter share price Increased Instantly

Elon Musk Twitter : एलन मस्क यांची ट्विटरला ४३ अब्ज डॉलरमध्ये खरेदी करण्याची ऑफर, ट्विटरच्या शेअर्समध्ये झपाट्याने वाढ

टेस्लाचे संस्थापक एलन मस्क यांनी ट्विटर इंक 43 अब्ज डॉलर (सुमारे 3.2 लाख कोटी रुपये) मध्ये खरेदी करण्याची ऑफर दिली आहे. यासाठी मस्क प्रति शेअर 54.20 डॉलर या दराने पैसे देण्यास तयार आहेत. मस्क यांनी या ऑफरची माहिती यूएस सिक्युरिटीज अँड एक्स्चेंज कमिशनकडेही दिली आहे.Elon Musk Twitter Elon Musk offers to buy Twitter for 43 billion, Twitter share price Increased Instantly

वृत्तसंस्था

वॉशिंग्टन : टेस्लाचे संस्थापक एलन मस्क यांनी ट्विटर इंक 43 अब्ज डॉलर (सुमारे 3.2 लाख कोटी रुपये) मध्ये खरेदी करण्याची ऑफर दिली आहे. यासाठी मस्क प्रति शेअर 54.20 डॉलर या दराने पैसे देण्यास तयार आहेत. मस्क यांनी या ऑफरची माहिती यूएस सिक्युरिटीज अँड एक्स्चेंज कमिशनकडेही दिली आहे.

गर्भश्रीमंत एलन मस्क यांची ट्विटरवर एन्ट्री, आता पराग अग्रवालसह चालवणार कंपनी, काय-काय बदलणार ट्विटरमध्ये?

I made an offer https://t.co/VvreuPMeLu

— Elon Musk (@elonmusk) April 14, 2022

मस्क यांच्या ऑफरवर, ट्विटरने म्हटले आहे की, “कंपनी आणि सर्व ट्विटर स्टॉकहोल्डर्सच्या सर्वोत्तम हितासाठी निर्णय घेण्यासाठी संचालक मंडळ मस्क यांच्या नॉन-बाइंडिंग कराराचे मूल्यांकन करेल. मस्क यांच्या ऑफरवर चर्चा करण्यासाठी बोर्डाची लवकरच बैठक होऊ शकते.”

ट्विटरला खासगी कंपनी बनवण्याची गरज

एलन मस्क म्हणाले, “मी ट्विटरमध्ये गुंतवणूक केली कारण मला विश्वास आहे की त्यात अभिव्यक्ती स्वातंत्र्यासाठी जागतिक व्यासपीठ बनण्याची क्षमता आहे आणि मला विश्वास आहे की कार्यशील लोकशाहीसाठी भाषण स्वातंत्र्य ही सामाजिक गरज आहे.” तथापि, माझ्या गुंतवणुकीपासून मला आता हे समजले आहे की कंपनी तिच्या सध्याच्या स्वरूपात या सामाजिक गरजा पूर्ण करू शकत नाही किंवा पूर्ण करणारही नाही. ट्विटरला खासगी कंपनी बनवण्याची गरज आहे.”

* TWITTER WILL HOLD AN ALL HANDS MEETING WITH EMPLOYEES AT 2PM PACIFIC TO DISCUSS MUSK OFFER -SOURCE@reuters $TWTR

— Carl Quintanilla (@carlquintanilla) April 14, 2022

ट्विटरच्या स्टॉकमध्ये 3% वाढ

ट्विटरचा स्टॉक सध्या सुमारे 3% वाढीसह $47.30 च्या आसपास व्यवहार करत आहे. बुधवारी, तो 3.10% वर $45.85 वर बंद झाला. ट्विटरमध्ये मस्क यांची 9.2% हिस्सेदारी आहे. त्याची माहिती 4 एप्रिल रोजी उघड झाली. ही माहिती समोर आल्यानंतर शेअरमध्ये मोठी तेजी पाहायला मिळाली.

मस्क यांचा ट्विटर व्यवस्थापनावर विश्वास नाही

मस्क यांना संचालक मंडळात सामील होण्याची ऑफरदेखील देण्यात आली होती, जी त्यांनी नाकारली. एलन मस्क यांची ही नवी ऑफर दर्शवते की, त्यांना सध्याच्या व्यवस्थापनावर कमी विश्वास आहे आणि ते कंपनीमध्ये आवश्यक बदल करू शकतील ही खात्री नाही,” असे मत जेसी कोहेन, Ivesting.com चे वरिष्ठ विश्लेषक यांनी मांडले आहे. मस्क यांनी बोर्डात सामील होण्यास नकार देण्यामागील कारण आता समोर आले आहे.