बांग्लादेशच्या पंतप्रधान शेख हसीना यांनी सर्वाधिक प्रसारित होणाऱ्या वृत्तपत्राला संबोधलं ‘लोकशाही आणि जनतेचा शत्रू’ Bangladesh Prime Minister Sheikh Hasina calls the most circulated newspaper enemy of democracy and people

बांग्लादेशच्या पंतप्रधान शेख हसीना यांनी सर्वाधिक प्रसारित होणाऱ्या वृत्तपत्राला संबोधलं ‘लोकशाही आणि जनतेचा शत्रू’

जाणून घ्या नेमकं कारण आणि शेख हसीना नेमकं काय म्हणाल्या आहेत?

विशेष प्रतिनिधी

ढाका : बांग्लादेशच्या पंतप्रधान शेख हसीना यांनी, देशातील सर्वाधिक प्रसारित होणारे दैनिक ‘प्रोथोम आलो’ हे अवामी लीग, लोकशाही आणि देशातील लोकांचा शत्रू आहे, असं म्हटलं आहे. विशेष म्हणजे त्यांचे हे विधान अशावेळी समोर आले आहे, जेव्हा अधिकारीक समूहांनी १७० दशलक्ष लोकांच्या देशात माध्यमांच्या घटत्या स्वातंत्र्याबद्दल चिंता व्यक्त केली आहे. Bangladesh Prime Minister Sheikh Hasina calls the most circulated newspaper enemy of democracy and people

बंगाली भाषेतील दैनिकाचे वार्ताहर शमसुझ्झमन शम्स यांच्यावर देशात अन्नधान्याच्या वाढत्या किमतींबाबत खोटी बातमी लिहिल्याबद्दल आरोप ठेवण्यात आला होता. कारण, २६ मार्च रोजी शम्स यांच्या बातमीत एका मजुराचा हवाला देत असे म्हटले गेले होते की, ‘’उच्च महागाई आणि इतर कारणांमुळे जगण्यासाठी संघर्ष करत असताना देशाच्या स्वातंत्र्याचा त्याच्यासाठी फारसा अर्थ नाही.’’ पण जेव्हा दैनिकाच्या फेसबुक पेजवर बातमी शेअर केली गेली, तेव्हा त्यात चुकून एका व्यक्तीचा चुकीचा फोटो वापरला गेला ज्याचा उल्लेख करण्यात आला होता.

वृत्तपत्राने झाकीर नावाच्या ४० वर्षीय मजुराच्या अवतरणासह मुलाचा फोटो वापरल्याने या बातमीवर टीका झाली, स्थानिक माध्यमांच्या वृत्तानुसार, मुलाची ओळख झाकीर म्हणून केली गेली होती. यानंतर प्रोथम आलोने थोड्याच वेळात बातमी आणि फोटो सुधारित केला.

या प्रकारावरून पंतप्रधान शेख हसीना यांनी संताप व्यक्त करत म्हटले की, ‘’लहान मुलाला खोटं बोलण्यासाठी, लहान मुलाच्या तोंडून काही शब्द वदवून घेण्यासाठी त्याच्या हातावर दहा रुपये ठेवले. काय होते ते शब्द? तांदूळ, मांस आणि मासे यांचे [आम्हाला] स्वातंत्र्य हवे आहे. पेपरचे नाव प्रोथम आलो (पहिला प्रकाश) आहे, परंतु ते अंधारात राहतात. प्रोथोम आलो हा अवामी लीग, लोकशाही आणि देशातील जनतेचा शत्रू आहे. त्यांना या राष्ट्राचे स्थैर्य कधीच नको आहे.’’

शम्सला ३० मार्च रोजी राजधानी ढाका उपनगरातील त्याच्या घरातून उचलण्यात आले, तर त्याचा लॅपटॉप आणि दोन फोन जप्त करण्यात आले. बांग्लादेशच्या डिजिटल सुरक्षा कायद्यांतर्गत त्याच्यावर आरोप ठेवण्यात आले आहेत, ज्याचा देशातील अधिकार कार्यकर्ते आणि वकील दावा करतात की सरकारच्या टीकाकारांना शांत करण्यासाठी एक साधन म्हणून हे वापरले जाते.