अमेरिकेत पहिल्या हिंदू महिला खासदार तुलसी गबार्ड यांनी सोडला बायडेन यांचा पक्ष, सरकारवर केले गंभीर आरोप|America first Hindu woman MP Tulsi Gabbard left Biden party, made serious allegations| against the government|

अमेरिकेत पहिल्या हिंदू महिला खासदार तुलसी गबार्ड यांनी सोडला बायडेन यांचा पक्ष, सरकारवर केले गंभीर आरोप

वृत्तसंस्था

वॉशिंग्टन : पहिल्या हिंदू अमेरिकन खासदार तुलसी गबार्ड यांनी मंगळवारी आपल्या पक्षाचा राजीनामा दिला. त्यांनी सत्ताधारी डेमोक्रॅटिक पक्ष सोडत असल्याची घोषणा केली आणि पक्षाला युद्ध-प्रचारकांचा अभिजात वर्ग असे संबोधले. 41 वर्षीय गबार्ड गेल्या वर्षीच हाऊस ऑफ रिप्रेझेंटेटिव्हमधून निवृत्त झाल्या होत्या. मात्र, त्यांच्या पुढील वाटचालीबाबत त्यांनी अद्याप कोणतीही माहिती दिलेली नाही.America first Hindu woman MP Tulsi Gabbard left Biden party, made serious allegations against the government

डेमोक्रॅटवर वर्णद्वेषाचा आरोप

गबार्ड यांनी ट्विटमध्ये म्हटले आहे की, मी सध्याच्या डेमोक्रॅटिक पक्षात राहू शकत नाही. तुलसी यांच्या मते, डेमोक्रॅटिक पक्ष हा राजकीय नफा-तोटा पाहणारा एक प्रकारचा उच्चभ्रू क्लब बनला आहे.

जगभरात हिंदू द्वेषात दसपटीने वाढ!; पाकिस्तान, इराण मधून रचले जातेय कारस्थान!; अमेरिकेतूनही खतपाणी!

गबार्ड 2013 मध्ये हवाईतून यूएस हाऊस ऑफ रिप्रेझेंटेटिव्हमध्ये निवडून आलेल्या पहिल्या हिंदू होत्या आणि नंतर त्या सलग चार वेळा निवडून आल्या. गॅबार्ड म्हणाले, डेमोक्रॅटिक पक्ष सध्या काही उच्चभ्रू लोकांच्या ताब्यात आहे. ते युद्धाबद्दल बोलतात. गोरे-विरोधक वर्णद्वेषाला उत्तेजन देतात. या पक्षात माझ्यासारखे विचार करणारे काही लोक असतील तर त्यांनीही हा पक्ष तत्काळ सोडावा.

मध्यावधी निवडणुकीपूर्वी पक्ष सोडला

उल्लेखनीय म्हणजे, पुढील महिन्यात होणाऱ्या महत्त्वपूर्ण मध्यावधी निवडणुकीपूर्वी त्यांनी पक्ष सोडला. पक्ष सोडताना ‘आजचे लोकशाहीवादी श्रद्धेला आणि अध्यात्माशी वैर आहेत,’ असे गंभीर आरोप केले.

परराष्ट्र धोरणासाठी सरकार जबाबदार

राष्ट्राध्यक्ष जो बायडेन यांचे तीव्र टीकाकार असलेल्या गबार्ड यांनी देशातील विभाजनाच्या “आगीत तेल ओतल्याबद्दल” त्यांच्यावर टीका केली आहे. त्यांनी बायडेन यांच्या अयशस्वी परराष्ट्र धोरणावर हल्ला चढवला आणि युक्रेनवरील रशियाच्या हल्ल्याचा निषेध केला. त्या म्हणाल्या, ‘माझा अशा सरकारवर विश्वास आहे जे लोकांचे, लोकांसाठी आणि लोकांद्वारे असते. दुर्दैवाने, आजचा डेमोक्रॅटिक पक्ष तसे करत नाही. त्याऐवजी, हा एक शक्तिशाली उच्चभ्रू क्लब बनला आहे.’

सहकाऱ्यांनीही पक्ष सोडण्याचे आवाहन

गबार्ड यांनी डेमोक्रॅटिक पक्षाच्या इतर सदस्यांना त्यांच्या पावलावर पाऊल ठेवण्याचे आवाहन केले. त्या म्हणाल्या की, मी माझे सहकारी मुक्त विचारसरणीच्या डेमोक्रॅट्सनादेखील पक्ष सोडण्याचे आवाहन करते. तथाकथित डेमोक्रॅटिक पक्षाचे विचारवंत आपल्या देशाला कोणत्या दिशेने घेऊन जात आहेत हे जर तुम्ही पचवू शकत नसाल तर मी तुम्हाला माझ्यासोबत येण्याचे निमंत्रण देते.’