जर्मनीतील पूर ओसरला, युरोपमधील पूरबळींची संख्या पोहोचली दोनशेच्या वर 200 died in Europe flood

जर्मनीतील पूर ओसरला, युरोपमधील पूरबळींची संख्या पोहोचली दोनशेच्या वर

विशेष प्रतिनिधी

बर्लिन – युरोपच्या पश्चिूम भागात आलेल्या पुरामुळे मृत्युमुखी पडलेल्यांची संख्या २०० झाली आहे. जर्मनीमध्ये पाऊस थांबला असला तरी बेल्जियम आणि नेदरलँड्‌समध्ये वादळी वाऱ्यांसह जोरदार पाऊस पडत आहे. ऑस्ट्रियामधील काही गावांमध्येही पावसामुळे नुकसान झाले आहे. 200 died in Europe flood

पुराचे पाणी ओसरत असले तरी पाण्याबरोबर वाहून आलेला गाळ आणि इतर कचरा दूर करण्याचे मोठे आव्हान प्रशासनासमोर आहे. अनेक रस्त्यांवर चिखलात रुतलेल्या चारचाकी गाड्या, घरगुती साहित्य, पडलेली झाडे यांचे साम्राज्य आहे.

सर्वोच्च न्यायालयाचा केंद्राला लॉकडाऊनचा सल्ला

पूराचा सर्वाधिक फटका पश्चिाम जर्मनीतील ऱ्हाइनलँड-पॅलाटिनेट राज्याला बसला असून येथे ११० हून अधिक जणांचा मृत्यू झाल्याचे पोलिसांनी सांगितले.

या राज्याशेजारील उत्तर ऱ्हाइन-वेस्टफालिया राज्यात पुरामुळे ४५ जणांचा मृत्यू झाला आहे. बेल्जियममध्येही पुराच्या तडाख्यात २७ जणांना जीव गमवावा लागला आहे. पुरामुळे झालेल्या आर्थिक नुकसान भरून काढण्यासाठी ३६ कोटी डॉलर आवश्यलक असल्याचे जर्मनीचे अर्थमंत्री ओलाफ स्कोल्झ यांनी सांगितले. सरकारकडून मदतीबाबतचा निर्णय दोन ते तीन दिवसांत अपेक्षित आहे.