FPI : परदेशी गुंतवणूकदारांचा विश्वास वाढला, जूनमध्ये भारतीय बाजारात तब्बल 13,269 कोटींची गुंतवणूक

FPI ​Foreign Portfolio Investors invested rs 13269 crore in Indian market after corona crisis

परदेशी पोर्टफोलियो गुंतवणूकदार म्हणजे FPI (​Foreign Portfolio Investors) यांनी दोन महिन्यांचा विक्रीचा कल बदलत जूनमध्ये भारतीय बाजारांमध्ये तब्बल 13,269 कोटी रुपयांची शुद्ध गुंतवणूक केली आहे. यापूर्वी मे आणि एप्रिलमध्ये परदेशी गुंतवणूकदारांनी क्रमश: 2,666 कोटी आणि 9,435 कोटी रुपये काढले होते. FPI ​Foreign Portfolio Investors invested rs 13269 crore in Indian market after corona crisis


विशेष प्रतिनिधी

नवी दिल्ली : परदेशी पोर्टफोलियो गुंतवणूकदार म्हणजे FPI (​Foreign Portfolio Investors) यांनी दोन महिन्यांचा विक्रीचा कल बदलत जूनमध्ये भारतीय बाजारांमध्ये तब्बल 13,269 कोटी रुपयांची शुद्ध गुंतवणूक केली आहे. यापूर्वी मे आणि एप्रिलमध्ये परदेशी गुंतवणूकदारांनी क्रमश: 2,666 कोटी आणि 9,435 कोटी रुपये काढले होते.

डिपॉझिटरीच्या आकडेवारीनुसार एफपीआयने 1 जून ते 30 जूनदरम्यान शेअर बाजारात 17,215 कोटी रुपये आणि बाँड मार्केटमधून 3,946 कोटी रुपये काढले. अशा प्रकारे या काळात त्यांची एकूण 13,269 रुपयांची शुद्ध गुंतवणूक झाली.

मार्निंगस्‍टार इंडियाचे असोसिएट डायरेक्‍टर (मॅनेजर रिसर्च) हिमांशु श्रीवास्‍तव म्हणाले की, देशातील कोरोना संसर्गात सातत्याने घट होत असल्याने अर्थव्यवस्था वेगवान होण्याची शक्यता वाढली आहे. ते म्हणाले की, यासोबतच वर्षाच्या पहिल्या तिमाहीत चांगले निकाल आणि दीर्घ काळापर्यंत पॉझिटिव्ह ग्रोथच्या कलामुळे भारतीय शेअर्समध्ये एफपीआयचा इंटरेस्ट वाढला आहे.

एलकेपी सिक्योरिटीजचे प्रमुख (रिसर्च) एस. रंगनाथन म्हणाले की, “जूनमध्ये एप्रिल आणि मेमध्ये लागलेले लॉकडाऊन हळूहळू हटवण्यात आले आणि एफपीआयने माहिती तंत्रज्ञान, अर्थ आणि विमा यासारख्या अनेक क्षेत्रांमध्ये शेअर्स खरेदी केली, जे लार्ज कॅप आणि मिड कॅप आधारित होते.”

कोटक सिक्योरिटीजचे एक्झिक्युटिव्ह व्हाइस प्रेसिडेंट (इक्विटी टेक्निकल रिसर्च) श्रीकांत चौहान म्हणाले की, तैवान, दक्षिण कोरिया आणि फिलिपाइन्सला सोडून बहुतांश विकसनशील अर्थव्यवस्था आणि आशियायी बाजारात या महिन्यापर्यंत एफपीआयने गुंतवणूक केली आहे.

FPI ​Foreign Portfolio Investors invested rs 13269 crore in Indian market after corona crisis

महत्त्वाच्या बातम्या

LEAVE A COMMENT

To be published, comments must be reviewed by the administrator.*



    दगडी चाल फेम अभिनेत्री पूजा सावंत ने गुपचूप उरकला साखरपुडा. श्रीमंत दगडूशेठ गणपती 2023 ब्रिटनचे पंतप्रधान ऋषी सुनक पत्नी अक्षता मूर्तीसह अक्षरधाम मंदिरात