मनी मॅटर्स : पैसे कसे व कोठे खर्च करायचे हे नीट ठरवा

बाजारपठेच्या युगात पैसा खर्च करण्यासाठी अनेक गोष्टी उपलब्ध आहेत. त्यामुळे अनेकदा चुकीच्या बाबींवरदेखील पैसे खर्च होण्याची शक्यता असते. मात्र आता कोरोनानंतरचे जग हे पूर्णतः वेगळे असणार आहे. सध्या लॉकडाउनमुळे सारे व्यवहार ठप्प आहेत. Decide how and where to spend the money

मात्र ते जेव्हा सुरऴीत सुरू होतील त्यावेळी पैसे कसे व कोठे खर्च करायचे याचा प्रत्येकाने विचार हा केलाच पाहिजे. ज्याप्रमाणे पैसा मिळवणे महत्वाचे आहे तितकेच ते कसे खर्च करावे हे कळणेही महत्वाचेच आहे.

पैसे कुठे आणि का खर्च करायचा हे न कळाल्याने अनेक जणांना आर्थिक ओढाताणीच्या परिस्थिती अनुभवावी लागते. हाती असणारा पैसा गरज नसलेल्या कारणांवर खर्च केल्याने जेव्हा गरज पडते तेव्हा हाताशी पैसा राहात नाही. म्हणून माणूस अधिक पैशाच्या मागे जातो.

जगात गाजलेल्या रिच डॅड पुअर डॅड या पुस्तकाचे लेखक राबर्ट कियोसाकी यांच्या मते अधिक पैसा मिळाल्याने कुणाच्याही आर्थिक अडचणी क्वचितच दूर होतात. गरज असते ती स्वतःवर नियंत्रण ठेवण्याची. कपड्यांवर पैसे खर्च करून किती कराल. कपडे समाजात प्रतिष्ठा देतात हे नक्की.

पण कठिण प्रसंगी साथ देतात का.. नाही. दागिने तुम्ही बनविले असतील, पण नेहमी वापराल तर कठिण प्रसंगाच्या वेळेस नक्कीच त्यात तुट येऊ शकते. तेव्हा एखादी गोष्ट खरेदी करताना सार्वकालिक विचार करा. योग्य वाटले तरच खरेदी करा.

याबाबत एक जपानी गोष्ट सांगितली जाते. जपानी लोक तीन गोष्टींची नेहमी आठवण ठेवतात. पहिली तलवार, दुसरी दागिने आणि तिसरी आरसा यांची शक्ती. तलवार शस्त्र आहे. त्यामुळे स्वःसंरक्षणासाठी शस्त्रशक्ती शक्तीशाली ठरते. दागिणे पैशाची शक्ती दाखवितात. सौंदर्य तर वाढवितातच शिवाय पडत्या काळाला हमखास उपयोगी ठरू शकतात. या सर्वात महत्त्वाचा तो आरसा. आरसा स्वतःला स्वतःची ओळख दाखवितो.

स्वतःबद्दलचे ज्ञान करून देतो. स्वतःला ओळखणं हा जपानी कथेनुसार सर्वात मौल्यवान शक्ती आहे. त्यामुळे स्वतःला ओळखा. स्वतःची ओळख ही तुम्ही केलेल्या पेहराव तो किती रूपयांचा आहे, किंवा तुम्ही घातलेले दागिणे किती तोळ्याचे आहेत यावरून होत नसते. हे तुम्हालाही तितकेच माहिती आहे. जपानी कथेच्या सारानुसार स्वतःला ओळखा. धन संपत्ती तुमच्याकडे चालून येईल.

Decide how and where to spend the money