सचिन तेंडुलकरच कोरोनामुक्त झालेल्यांना आवाहन ; प्लाझ्मा डोनेट करा!

• वाढदिवसाच्या शुभेच्छा दिल्याबद्दल धन्यवाद. तुमच्या शुभेच्छांमुळे माझा आजचा दिवस खास बनला. मागील एक महिना माझ्यासाठी खूप कठीण होता. माझी कोरोना चाचणी पॉझिटिव्ह आल्याने मी 21 दिवस वेगळा होतो. ‘तुमच्या प्रार्थना व शुभेच्छा, माझ्या कुटुंबियांच्या आणि मित्रांच्या शुभेच्छा, सर्व डॉक्टर आणि त्यांचे सहकारी यांनी मला सकारात्मक ठेवले.

विशेष प्रतिनिधी

मुंबई: सचिन तेंडुलकरचा आज 48 वा वाढदिवस …दिवसभर शुभेच्छांचा वर्षाव सचिनवर झाला …सचिनने त्यांच्या खास शैलीत आपल्या चाहत्यांना धन्यवाद देत एक विशेष आवाहन देखील केलं आहे.

आपल्या ट्विटर अकाऊंटवर एक व्हिडीओ पोस्ट करत सचिनने कोरोनामधून सावरलेल्या लोकांनी प्लाझ्मा डोनेट करावा असं आवाहन केलं आहे.Sachin tendulkar appeals to those recovered from covid for plasma donation

आपल्या 24 वर्षांच्या क्रिकेट कारकिर्दीत सचिनने जगभरात अनेकांना आपलसं केलं. आजही जगाच्या कानाकोपऱ्यात सचिन तेंडुलकरचे अनेक फॅन्स आहेत. काही दिवसांपूर्वी कोरोनाची लागण झालेल्या सचिनने आजच्या दिवशी आपल्याला शुभेच्छा देणाऱ्यांचे आभार मानले आहेत.