Ethiopia : इथिओपिया ज्वालामुखी स्फोट: विमानांची जमिनीपासून 4,000 फूट खाली उड्डाणे, दर तासाला हवेची तपासणी

By, Pravin Wankhade - November 26, 2025 08:30:33

0

वृत्तसंस्था

नवी दिल्ली : Ethiopia इथिओपियाच्या ज्वालामुखीतील राख पूर्वेकडे सरकू लागल्याने, भारतात एक गंभीर परिस्थिती निर्माण झाली, जर राखेचे कण विमानांवर आदळले तर हवाई अपघात होण्याची भीती होती. ज्वालामुखीची राख ४५,००० फूट उंचीपर्यंत पोहोचत होती, विमाने त्या पातळीपेक्षा खाली उडत असली तरी. भारतात अशा परिस्थितीचा सामना करण्याची ही पहिलीच वेळ होती. त्यामुळे सरकारने रिअल-टाइम ज्वालामुखी राख प्रतिसाद प्रोटोकॉल सक्रिय केला. एव्हिएशन मंत्रालय, एअर ट्रॅफिक कंट्रोल, हवामान विभाग, एअरलाइन्स आणि आंतरराष्ट्रीय विमान वाहतूक एजन्सींच्या देखरेखीखाली एकत्र काम केले.Ethiopia

एअरपोर्ट्स अथॉरिटी ऑफ इंडियाने प्रथम एअरलाइन्सना सतर्क करण्यासाठी जारी केले. त्यानंतर, एक सूक्ष्म-अवसरण मॉडेल लागू करण्यात आले, ज्यामुळे काही विमानांना त्यांच्या किमान उड्डाण उंचीपेक्षा २००० ते ४,००० फूट खाली उड्डाण करावे लागले. दिल्ली मुंबईतील विमान उड्डाणांचे सतत निरीक्षण केले गेले.Ethiopia

जामखेड मध्ये निधी आला प्रचंड, पण एकमेकांचे पाय खेचण्याच्या नादात जनतेचे नुकसान; एकनाथ शिंदेंचा रोहित पवारांवर हल्लाबोल

इथिओपियातील ज्वालामुखीचा उद्रेक: भारताचा धोका तूर्तास टळला; खबरदारीसाठी एअर इंडियाची १३ विमाने रद्द

इथिओपियातील हेले गुब्बीच्या १०,००० वर्षे जुन्या ज्वालामुखीच्या उद्रेकामुळे निर्माण झालेल्या राखेमुळे भारतावर निर्माण झालेला धोका टळला आहे. मंगळवारी संध्याकाळी, नागरी उड्डाण मंत्रालयाने जाहीर केले की राखेचे ढग आता चीनकडे सरकत आहेत. हे ढग वातावरणाच्या वरच्या भागात (ट्रॉपोस्फीअर) आहेत आणि विमानांवर परिणाम करू शकतात. खबरदारी म्हणून, एअर इंडियाने १३ उड्डाणे रद्द केली आहेत.

विमानांसाठी ज्वालामुखीची राख धोकादायक का आहे?

त्यात अत्यंत बारीक काच, धूळ आणि खनिज कण असतात. त्यात सिलिका, अॅल्युमिनियम ऑक्साइड, लोह ऑक्साइड आणि सल्फरसारखे घटकदेखील असतात. हे कण विमानाच्या इंजिनात प्रवेश करतात तेव्हा ते १,००० अंश तापमानात वितळतात व टर्बाइन ब्लेडर घट्ट होतात, ज्याने इंजिनची शक्ती कमी होते.

भारतात विमानांना धोका कुठे?

इथिओपिया भारताच्या पश्चिमेला 4,300 किमी अंतरावर आहे. ज्वालामुखीचा उद्रेक झाला तेव्हा इथिओपियातून राख पूर्वेकडे वाहू लागली. गुजरात, राजस्थान, एनसीआर-दिल्ली, पंजाब आणि हरियाणावरून उडणाऱ्या विमानांना सतर्क करण्यात आले.