Taliban : जागतिक टीकेनंतर तालिबान नरमले, दिल्लीतील नव्या पत्रकार परिषदेसाठी महिला पत्रकारांनाही आमंत्रण!

By, Pravin Wankhade - October 13, 2025 12:00:53

0

विशेष प्रतिनिधी

नवी दिल्ली: Taliban : पहिल्या पत्रकार परिषदेत महिला पत्रकारांना प्रवेश नाकारल्याने झालेल्या प्रचंड आंतरराष्ट्रीय संतापानंतर, अफगाणिस्तानचे परराष्ट्र मंत्री आमिर खान मुत्ताकी आता मागे हटले आहेत. त्यांनी दिल्लीतील नव्या पत्रकार परिषदेसाठी महिला पत्रकारांनाही अधिकृत आमंत्रण दिले आहे.Taliban :

अफगाणिस्तानच्या भारतातील दूतावासाने सोशल मीडियावर ही घोषणा करत पत्रकार परिषदेसाठीची दिनांक, वेळ आणि स्थळ याबाबतची माहिती प्रसिद्ध केली आहे. ही परिषद पुन्हा एकदा अफगाण दूतावासाच्या परिसरातच होणार असून, याच ठिकाणी झालेल्या पहिल्या कार्यक्रमाने मोठा वाद निर्माण केला होता.Taliban :

१० ऑक्टोबर रोजी झालेल्या पहिल्या पत्रकार परिषदेत *‘द इंडिपेंडंट’*सह अनेक माध्यम संस्थांच्या महिला पत्रकारांना अधिकृत निमंत्रण असूनही आत सोडले गेले नाही, असा गंभीर आरोप करण्यात आला होता.Taliban :

महायुतीत भाजपने स्वतःसह घटक पक्षांच्या ढकलले स्वबळाच्या दिशेने; नेमका अर्थ काय??

त्यानंतर तालिबानच्या अधिकाऱ्यांनी “सुरक्षा कारणे” आणि “जागेची मर्यादा” अशी कारणे दिली होती, मात्र ती आंतरराष्ट्रीय माध्यमांनी पूर्णपणे फेटाळली.

महिला पत्रकार संघटनांनी यावर “महिलांविषयीचा अनादर आणि भेदभावाचे उघड प्रदर्शन” असे भाष्य केले होते, तर मानवी हक्क संघटनांनी हे तालिबानच्या जुनाट मानसिकतेचे प्रतिबिंब असल्याचे म्हटले होते.

जागतिक स्तरावर झालेल्या विरोधानंतर मुत्ताकी यांनी आता महिला पत्रकारांना दुसऱ्या परिषदेत सहभागी होण्यासाठी अधिकृत आमंत्रण दिले आहे.
ही बैठक भारताचे परराष्ट्र मंत्री एस. जयशंकर यांच्यासोबत झालेल्या चर्चेनंतर आयोजित केली जात असून, त्यात द्विपक्षीय व्यापार, मानवीय मदत आणि प्रादेशिक सहकार्य या विषयांवर चर्चा होणार आहे.

राजकीय विश्लेषकांच्या मते, हा निर्णय नीतीतील बदल नसून ‘प्रतिमा वाचवण्याचा प्रयत्न’ आहे. एका मुत्सद्दीने भाष्य केले —“लोकशाहीच्या राजधानीत महिलांना वगळणे हे तालिबानकडून झालेलं राजनैतिक चुकलंच होतं. आता ते ती चूक सुधारण्याचा प्रयत्न करत आहेत.”