Union Cabinet : केंद्रीय मंत्रिमंडळाची 24,634 कोटींच्या 4 नवीन रेल्वे प्रकल्पांना मंजुरी; वर्धा-भुसावळ दरम्यान तिसरी-चौथी लाईन

By, Pravin Wankhade - October 8, 2025 03:00:54

0

वृत्तसंस्था

नवी दिल्ली : Union Cabinet पंतप्रधान नरेंद्र मोदी यांच्या अध्यक्षतेखाली मंगळवारी केंद्रीय मंत्रिमंडळाची बैठक झाली आणि एकूण ₹२४,६३४ कोटींच्या प्रकल्पांना मंजुरी देण्यात आली. केंद्रीय मंत्री अश्विनी वैष्णव यांनी सांगितले की, बैठकीत चार नवीन रेल्वे प्रकल्पांना मान्यता देण्यात आली.Union Cabinet

यामध्ये मध्य प्रदेशातील इटारसी-भोपाळ-बीना मार्गावरील २३७ किमी लांबीचा चौथा मार्ग आणि गुजरात आणि मध्य प्रदेशला जोडणारा वडोदरा-रतलाम मार्गावरील २५९ किमी लांबीचा तिसरा आणि चौथा मार्ग समाविष्ट आहे.Union Cabinet

वैष्णव म्हणाले, या प्रकल्पांमध्ये महाराष्ट्र, मध्य प्रदेश, गुजरात आणि छत्तीसगडमधील १८ जिल्ह्यांचा समावेश असेल. भारतातील सात रेल्वे कॉरिडॉर एकूण रेल्वे वाहतुकीपैकी ४१% वाहतूक करतात आणि हे प्रकल्प या कॉरिडॉरची क्षमता आणि कनेक्टिव्हिटी मजबूत करतील.Union Cabinet

अतिवृष्टीग्रस्त शेतकऱ्यांसाठी राज्य सरकारची मोठी घोषणा: तब्बल 31 हजार 628 कोटी रुपयांचे पॅकेज जाहीर

वैष्णव म्हणाले की, या प्रकल्पांमुळे केवळ रेल्वेची क्षमता वाढणार नाही तर गर्दी कमी होईल, वेळ वाचेल आणि रेल्वे सेवांची विश्वासार्हता सुधारेल. ते म्हणाले, “आम्ही ठरवले आहे की या कॉरिडॉरमध्ये किमान चार आणि शक्य असल्यास सहा मार्ग असतील.

या प्रकल्पांमध्ये हे समाविष्ट आहे-

गोंदिया – डोंगरगड : चौथी लाईन, ८४ किमी (महाराष्ट्र आणि छत्तीसगड)
वर्धा – भुसावळ: 3री आणि 4थी लाईन, 314 किमी (महाराष्ट्र)
वडोदरा – रतलाम : 3री आणि 4थी लाईन, 259 किमी (गुजरात आणि मध्य प्रदेश)
इटारसी – भोपाळ – बिना : चौथी लाईन, २३७ किमी (मध्य प्रदेश)

केंद्रीय कर्मचाऱ्यांच्या महागाई भत्त्यात ३% वाढ: ४९ लाख कर्मचारी, ६८ लाख पेन्शनधारकांना फायदा

केंद्र सरकारने दिवाळी आणि दसऱ्यापूर्वी केंद्र सरकारी कर्मचाऱ्यांच्या महागाई भत्त्यात ३% वाढ केली आहे. ही वाढ १ जुलैपासून लागू होईल. कर्मचाऱ्यांना तीन महिन्यांची थकबाकी मिळेल. पंतप्रधान मोदींच्या अध्यक्षतेखाली झालेल्या मंत्रिमंडळाच्या बैठकीत हा निर्णय घेण्यात आला. आता कर्मचाऱ्यांचा महागाई भत्ता ५५% वरून ५८% पर्यंत वाढेल.