काँग्रेसच्या लोकसभेतल्या उपनेत्याचे पाकिस्तान कनेक्शन; आसाम सरकारच्या हाती SIT चा अत्यंत स्फोटक रिपोर्ट!!

By, Pravin Wankhade - September 12, 2025 02:27:25

0

वृत्तसंस्था

गुवाहाटी : काँग्रेसचे लोकसभेतले उपनेते गौरव गोगोई आणि त्यांची ब्रिटिश पत्नी एलिझाबेथ कोलबर्न यांचे पाकिस्तान कनेक्शन किती गहिरे आणि किती घातक आहे, यासंबंधीचा अत्यंत स्फोटक रिपोर्ट आसाम सरकारच्या हाती आला असून तो लवकरच जनतेसाठी प्रकाशित करण्याची खात्री मुख्यमंत्री हेमंत विश्वशर्मा यांनी आज दिली.

काँग्रेसचे लोकसभेचे उपनेते खासदार गौरव गोगोई हे माजी मुख्यमंत्री तरुण गोगोई यांचे पुत्र असून त्यांनी ब्रिटिश नागरिक एलिझाबेथ कोलबर्न हिच्याशी विवाह केला आहे. एलिझाबेथ यांचे पाकिस्तान मधल्या एका एनजीओसी संबंध असून त्यांच्यात मोठ्या आर्थिक व्यवहार झाल्याचा आरोप झाला आहे. खासदार गौरव गोगोई एलिझाबेथ यांच्याबरोबरच 13 दिवसांच्या पाकिस्तान दौऱ्यावर होते. तो दौरा संशयाच्या घेऱ्यात सापडला आहे.

#WATCH | Guwahati, Assam: On the SIT investigation report about Gaurav Gogoi's alleged Pakistan link, CM Himanta Biswa Sarma says, "This is a very explosive report of 96 pages. We have recovered many important documents related to the sovereignty of our country… It is a kind of… pic.twitter.com/aSCWM1hRpe

— ANI (@ANI) September 12, 2025

या पार्श्वभूमीवर आसाम सरकारने नेमलेल्या स्पेशल इन्वेस्टीगेशन टीमने गौरव गोगोई एलिझाबेथ कोलबर्न आणि पाकिस्तानची एनजीओ यांची चौकशी आणि तपास केला त्याचा अहवाल राज्य सरकारला सोपविला. या अहवालातली 96 पाने अत्यंत स्फोटक असून त्यामध्ये पाकिस्तान कनेक्शनचे धक्कादायक निष्कर्ष आहेत अशी माहिती मुख्यमंत्री हेमंत विश्वशर्मा यांनी दिली. काँग्रेसच्या खासदारांनी आणि त्यांच्या पत्नीने भारताच्या सार्वभौमतवाशी खेळ केला. त्यांनी पाकिस्तानशी व्यवहार करून भारतीय हितसंबंधांना धक्का पोहोचविला. भारताच्या संबंधाली महत्त्वाची माहिती पाकिस्तानला दिली. भारताविरुद्ध विषारी कॅम्पेन चालविले. या सगळ्याची मोडस ऑपरेंडी किती घातक आणि धक्कादायक होती, याचा सविस्तर खुलासा एसआयटीने अहवालात केला असून तो अहवाल कॅबिनेटमध्ये मंजूर झाल्यावर लगेच प्रकाशित करण्यात येईल, असे हेमंत विश्वशर्मा म्हणाले.

मात्र काँग्रेसने हेमंत विश्वशर्मा यांच्या या वक्तव्यावर आक्षेप नोंदवून गौरव गोगोई आणि एलिझाबेथ कोलबर्न यांचा बचाव केला.