PM Modi : ट्रम्प टॅरिफवर पीएम मोदींची स्पष्टोक्ती; कितीही दबाव आणला तरी आत्मनिर्भर भारत झुकणार नाही

By, Pravin Wankhade - August 26, 2025 09:00:26

0

वृत्तसंस्था

अहमदाबाद : PM Modi कुणी कितीही दबाव आणला तरी स्वावलंबी भारत झुकणार नाही, असे पंतप्रधान नरेंद्र मोदी यांनी जाहीर केले. सोमवारी अहमदाबादमध्ये एका रोड शो आणि जाहीर सभेत पंतप्रधान मोदी म्हणाले, देशातील लघु उद्योजक, शेतकरी किंवा पशुपालकांचे हित सर्वोपरी आहे. आजकाल जगभरात आर्थिक हिताच्या नावाखाली राजकारण केले जात आहे. ते म्हणाले, मी गांधींच्या भूमीवरून हे सांगत आहे. दबावातही आपण मार्ग काढू. देशवासीयांचे हित आपल्यासाठी सर्वोपरी आहे. पंतप्रधान मोदींची ही घोषणा अशा वेळी झाली आहे जेव्हा अमेरिकेच्या राष्ट्राध्यक्षांनी २७ ऑगस्टपासून भारतावर २५% अतिरिक्त कर लादण्याची घोषणा केली आहे. यापूर्वी ट्रम्प यांनी २५% कर जाहीर केला आहे. म्हणजेच आता भारतावर एकूण कर ५०% होईल. ट्रम्प यांनी रशियाकडून भारताच्या कच्च्या तेलाच्या आयातीवर २५% अतिरिक्त कर लादला आहे. परंतु भारताने त्याचा तीव्र विरोध केला आहे. परराष्ट्र मंत्री जयशंकर यांनी म्हटले आहे की, तेलाच्या नावाखाली अमेरिकेचे दुटप्पीपणा भारत कोणत्याही परिस्थितीत स्वीकारणार नाही.PM Modi

आगमना आधीच गणरायाची कृपादृष्टी; सरकारी नोकरदार‌ + एसटी कर्मचाऱ्यांचा आज 26 ऑगस्टलाच पगार; फडणवीस सरकारचा निर्णय

टेरिफचा किरकोळ परिणाम; रेटिंग BBB- कायम, भारताचा जीडीपी दर ६.५% राहण्याची अपेक्षा

अमेरिकेचे राष्ट्राध्यक्ष डोनाल्ड ट्रम्प यांनी भारतावर ५०% कर लादण्याच्या धमक्या दिल्या असताना अमेरिकेची प्रतिष्ठित जागतिक रेटिंग एजन्सी फिचने आपल्या अहवालात भारताच्या अर्थव्यवस्थेबद्दल मोठा खुलासा केला आहे. भारताच्या मजबूत विकास दराचा हवाला देत, फिचने ट्रिपल बी (BBB-) रेटिंग कायम ठेवले आहे. फिचने आपल्या अहवालात असा अंदाज लावला की, ट्रम्प टेरिफचा किरकोळ परिणाम होऊ शकतो. २०२५-२६ या आर्थिक वर्षात भारताचा जीडीपी (सकल देशांतर्गत उत्पादन) विकास दर ६.५% राहण्याचा अंदाज आहे. एस अँड पी ग्लोबल रेटिंग एजन्सीनेही अलीकडेच भारताच्या अर्थव्यवस्थेवर विश्वास व्यक्त केला आहे. एस अँड पीने भारताच्या अर्थव्यवस्थेला ट्रिपल बी रेटिंग दिले. १८ वर्षांनंतर या एजन्सीने रेटिंग वाढवले.

भारताची स्पष्ट भूमिका : जेथे स्वस्त तेल मिळेल तिथून खरेदी करू

मॉस्को| रशियातील भारतीय राजदूत विनय कुमार म्हणाले, आम्ही तेल स्वस्त असेल तिथून खरेदी करू. भारत राष्ट्रीय हिताचे रक्षण करणारी पावले उचलत राहील. देशाच्या १४० कोटी लोकसंख्येसाठी ऊर्जा सुरक्षा सुनिश्चित करणे हे प्राधान्य आहे. भारत आणि रशियामध्ये तेल आयातीच्या पेमेंटमध्ये कोणतीही अडचण नाही. भारत-रशियामध्ये त्यांच्या संबंधित चलनांमध्ये पेमेंट करण्याची व्यवस्था देखील आहे.

1 इतर देशांपेक्षा अर्थव्यवस्था चांगली: फिच रेटिंग्जने त्यांच्या अहवालात म्हटले की, भारताची अर्थव्यवस्था त्यांच्या मजबूत वाढीमुळे व ठोस परदेशी गुंतवणुकीमुळे समर्थित आहे. भारताचा आर्थिक दृष्टिकोन अजूनही मजबूत आहे.

2 टेरिफमध्ये कपात शक्य: फिचच्या मते, भारत आणि अमेरिका यांच्यात टेरिफवरील वाटाघाटी सुरू आहेत. दोन मोठ्या अर्थव्यवस्थांमध्ये काही मध्यम मार्ग निघण्याची शक्यता आहे. टेरिफमध्ये कपात शक्य आहे.

3 जीएसटी सुधारणेचा जाणवेल प्रभाव: जीएसटी सुधारणांबाबत पंतप्रधान मोदींनी केलेल्या घोषणेबद्दल फिचने म्हटले आहे की जीएसटी सुधारणांमुळे वापर वाढेल. वाढीशी संबंधित काही जोखीम कमी होतील.

4 महागाई नियंत्रणात: अहवालात म्हटले की, अन्न उत्पादनांच्या किमतीतील घसरण व आरबीआयच्या धोरणात्मक उपाययोजनांमुळे महागाई नियंत्रणात आहे. कोअर इन्फ्लेशन हा मध्यवर्ती बँकेच्या २% ते ६% च्या निर्धारित मर्यादेत आहे.