Georgia : अमेरिकेच्या जॉर्जियात सैन्य तळावर हल्ला; हल्लेखोराने ५ सैनिकांना गोळ्या घातल्या

By, Pravin Wankhade - August 7, 2025 07:00:17

0

वृत्तसंस्था

जॉर्जिया : Georgia अमेरिकेच्या जॉर्जिया राज्यातील फोर्ट स्टीवर्ट मिलिटरी बेसवर बुधवारी एका हल्लेखोराने गोळीबार केला, ज्यामध्ये पाच सैनिक जखमी झाले. हल्ल्यानंतर लष्करी तळाचे काही भाग सील करण्यात आले. भारतीय वेळेनुसार बुधवारी रात्री ८:२६ वाजता या हल्ल्याची बातमी मिळाली.Georgia

सर्व जखमी सैनिकांवर तातडीने घटनास्थळी उपचार करण्यात आले आणि नंतर त्यांना पुढील उपचारांसाठी विन आर्मी कम्युनिटी हॉस्पिटलमध्ये नेण्यात आले. हल्लेखोराला अटक करण्यात आली आहे. मीडिया रिपोर्ट्सनुसार, तोदेखील एक सैनिक आहे.Georgia

राष्ट्राध्यक्ष ट्रम्प यांनाही हल्ल्याची माहिती देण्यात आली. व्हाईट हाऊसच्या प्रवक्त्या कॅरोलिन लेविट यांनी एक्स वर लिहिले की सरकार परिस्थितीवर लक्ष ठेवून आहे. जॉर्जियामधील तीन शाळादेखील बंद करण्यात आल्या आहेत. वैद्यकीय हेलिकॉप्टर घटनास्थळी पोहोचले आहेत.Georgia

संतशक्तीच्या आशीर्वादाने मुख्यमंत्र्यांचा महाराष्ट्रामध्ये परिवर्तनाचा संकल्प!

हल्ल्याचा तपास सुरू

फोर्ट स्टीवर्ट बेसने त्यांच्या फेसबुक पोस्टमध्ये म्हटले आहे की – आज दुसऱ्या आर्मर्ड ब्रिगेड कॉम्बॅट टीम परिसरात झालेल्या गोळीबारात पाच सैनिक जखमी झाले. सर्व सैनिकांवर घटनास्थळी उपचार करण्यात आले आणि नंतर त्यांना रुग्णालयात दाखल करण्यात आले.

जॉर्जियाचे गव्हर्नर ब्रायन केम्प यांनी एक्स वर लिहिले की – आम्ही अधिकाऱ्यांशी सतत संपर्कात आहोत. आम्ही पीडितांसाठी, त्यांच्या कुटुंबियांसाठी आणि देशाची सेवा करणाऱ्यांसाठी प्रार्थना करतो.” गोळीबाराचे कारण निश्चित करण्यासाठी चौकशी सुरू आहे.

१९४० मध्ये बांधलेला फोर्ट स्टीवर्ट लष्करी तळ

फोर्ट स्टीवर्ट मिलिटरी बेस हा जॉर्जिया राज्यातील हाइन्सविले आणि सवानाजवळ स्थित एक प्रमुख अमेरिकन लष्करी तळ आहे. हा २,८०,००० एकरवर पसरलेला आहे. दुसऱ्या महायुद्धादरम्यान १९४० मध्ये त्याची स्थापना झाली. सुरुवातीला त्याला कॅम्प स्टीवर्ट असे म्हटले जात असे.

नंतर त्याचे नाव अमेरिकन युद्ध नायक डॅनियल स्टीवर्ट यांच्या नावावरून फोर्ट स्टीवर्ट असे ठेवण्यात आले. येथे सैनिकांना लष्करी प्रशिक्षण दिले जाते. २००३ मध्ये इराकवरील हल्ल्यात त्याच्या तिसऱ्या पायदळ तुकडीने विशेष भूमिका बजावली.