Chenab Bridge : मोदींची काश्मीरला ‘चिनाब पूल’ अन् ‘वंदे भारत’ ट्रेनची भेट, तर पाकिस्तानचा जळफळाट

By, Pravin Wankhade - June 7, 2025 01:00:19

0

पाकिस्तानने पुन्हा एकदा जम्मू आणि काश्मीरबद्दल पोकळ धमकी दिली अन् वादग्रस्त विधान केलं Chenab Bridge

विशेष प्रतिनिधी

नवी दिल्ली : पहलगाम दहशतवादी हल्ल्यानंतर, पंतप्रधान नरेंद्र मोदी यांनी शुक्रवारी पहिल्यांदा जम्मू आणि काश्मीरला भेट दिली. या दरम्यान त्यांनी जगातील सर्वात उंच रेल्वे पूल ‘चेनाब ब्रिज’चे उद्घाटन केले आणि तो देशाला समर्पित केला. यावेळी पंतप्रधान मोदींनी हातात तिरंगा घेऊन चिनाब ब्रिजवरून चालत पाकिस्तानला धक्का दिला. Chenab Bridge

पंतप्रधान मोदींनी पाकिस्तानवर जोरदार हल्ला चढवला आणि सांगितले की, त्यांनी पहलगाममध्ये मानवता आणि काश्मिरीयत (काश्मीरची सांस्कृतिक ओळख) वर अत्यंत निंदनीय हल्ला केला आहे. पंतप्रधानांच्या या कडक विधानानंतर पाकिस्तानमध्ये प्रचंड अस्वस्थता आणि जळफळाट दिसून येत आहे. Chenab Bridge

पंतप्रधान मोदींनी यावेळी सांगितले की, पाकिस्तान गरिबांच्या भाकरी आणि रोजगाराचाही शत्रू आहे. त्यांनी इशारा दिला की जो कोणी काश्मीरचा विकास थांबवण्याचा प्रयत्न करेल त्याला प्रथम नरेंद्र मोदींना सामोरे जावे लागेल.” पंतप्रधान मोदींच्या या विधानावर प्रतिक्रिया देताना पाकिस्तानच्या परराष्ट्र मंत्रालयाने म्हटले आहे की, “भारताच्या पंतप्रधानांनी जम्मू आणि काश्मीरबाबत केलेली खोटी आणि दिशाभूल करणारी विधाने पाकिस्तान पूर्णपणे नाकारतो.”

Fadnavis : फडणवीस सरकारचा धाडसी निर्णय; राज्यातील 903 योजनांची प्रशासकीय मान्यता रद्द

पाकिस्तानी परराष्ट्र मंत्रालयाने पुढे म्हटले आहे की, “अशी विधाने जगाचे लक्ष खऱ्या मुद्द्यांपासून विचलित करण्याचा प्रयत्न आहे, विशेषतः त्या भागात जिथे लोकांवर सतत गैरवर्तन केले जात आहे. भारतीय पंतप्रधान मोदींनी पुन्हा एकदा कोणत्याही पुराव्याशिवाय पहलगाम हल्ल्यासाठी पाकिस्तानला दोषी ठरवले आहे, याबद्दल आम्हाला दुःख आहे.”

पाकिस्तानने पुन्हा एकदा जम्मू आणि काश्मीरबद्दल धमकी दिली आणि म्हटले आहे की, “जम्मू आणि काश्मीर हा आंतरराष्ट्रीय स्तरावर वादग्रस्त क्षेत्र आहे, ज्याचा अंतिम निर्णय संयुक्त राष्ट्रांच्या निर्णयांनुसार आणि काश्मिरी लोकांच्या इच्छेनुसार असावा. कोणताही दावा किंवा विधान हे सत्य बदलू शकत नाही. भारतव्याप्त काश्मीर (IOJK) मध्ये विकासाची चर्चा खोटी वाटते, जेव्हा तिथे मोठ्या प्रमाणात सैन्य तैनात केले जात आहे, लोकांचे स्वातंत्र्य हिरावले जात आहे, विनाकारण अटक केली जात आहे, जे आंतरराष्ट्रीय कायद्यांचे उल्लंघन आहे.”