Moscow airport : युक्रेनचा मॉस्को विमानतळावर ड्रोन हल्ला, भारतीय खासदार लँड होणार होते

By, Pravin Wankhade - May 23, 2025 05:00:11

0

भारतीय खासदारांना घेऊन जाणारे विमान मॉस्कोमध्ये दाखल झाले होते, मात्र..

विशेष प्रतिनिधी

नवी दिल्ली : Moscow airport भारतातील खासदारांचे शिष्टमंडळ पाकिस्तानचा पर्दाफाश करण्यासाठी वेगवेगळ्या देशांमध्ये प्रवास करत आहेत. येथे हे खासदार ऑपरेशन सिंदूरच्या यशाबद्दल आणि त्याच्या आवश्यकतेबद्दल माहिती देत आहेत. पण याच दरम्यान एका मोठ्या बातमीने खळबळ उडाली आहे.Moscow airport

रशियातील मॉस्को विमानतळावर भारतीय खासदारांच्या गटाच्या विमानाच्या लँडिंगच्या अगदी आधी युक्रेनने मॉस्को विमानतळावर ड्रोन हल्ला केला आहे. या ड्रोन हल्ल्याच्या वेळी, भारतीय खासदारांना घेऊन जाणारे विमान मॉस्कोमध्ये दाखल झाले होते, मात्र ते उतरले नव्हते. या हल्ल्यानंतर विमानतळावर सर्व विमानांचे लँडिंग थांबवण्यात आल्याचे सांगण्यात येत आहे.

Devendra Fadnavis : विश्वासार्ह बियाणे आता ‘सारथी’ पोर्टलवर; मुख्यमंत्री फडणवीस यांची माहिती

ऑपरेशन सिंदूरच्या यशाची जाणीव जगाला करून देण्यासाठी भारतातील ६ शिष्टमंडळे वेगवेगळ्या देशांमध्ये प्रवास करत आहेत. या संदर्भात, एका शिष्टमंडळात द्रमुक खासदार कनिमोझी यांच्यासह सपाचे खासदार राजीव राय, आरजेडी खासदार प्रेमचंद गुप्ता, कॅप्टन ब्रिजेश, अशोक कुमार मित्तल आणि मंजीव सिंग पुरी यांचा समावेश आहे. मॉस्कोमध्ये प्रवेश करताच युक्रेनकडून मॉस्को विमानतळावर ड्रोन हल्ला करण्यात आला. अशा परिस्थितीत खासदारांचे विमान बराच वेळ हवेत फिरत राहिले. नंतर ते सुरक्षित ठिकाणी उतरवण्यात आले.

बऱ्याच वेळानंतर भारतीय खासदारांचा गट मॉस्कोमध्ये उतरण्यात यशस्वी झाला तेव्हा तेथे उपस्थित असलेल्या भारतीय राजदूतांनी त्यांचे स्वागत केले. रशियानंतर हा संघ स्लोव्हेनिया, ग्रीस, लाटविया आणि स्पेनला भेट देईल. येथेही ऑपरेशन सिंदूरशी संबंधित सर्व महत्त्वाची माहिती लोकांसोबत शेअर केली जाईल आणि भारत दहशतवादाविरुद्ध कशी कारवाई करत आहे हे सांगितले जाईल.