Marco Rubio and S Jaishankar : अमेरिकेचे परराष्ट्रमंत्री मार्को रुबियो यांनी एस जयशंकर यांच्याशी केली चर्चा

By, Pravin Wankhade - May 10, 2025 06:00:47

0

जाणून घ्या, भारताचे परराष्ट्र मंत्री काय म्हणाले?

विशेष प्रतिनिधी

नवी दिल्ली : Marco Rubio and S Jaishankar भारत आणि पाकिस्तानमध्ये युद्धासारखी परिस्थिती निर्माण झाली आहे. पाकिस्तानी सैन्य सीमेवर वारंवार गोळीबार करत आहे आणि नागरिकांना लक्ष्य करत आहे. शुक्रवारी मध्यरात्री, पाकिस्तानी सैन्याने ड्रोन, क्षेपणास्त्रे आणि लढाऊ विमानांचा वापर करून भारतीय लष्करी तळ उद्ध्वस्त करण्याचा प्रयत्न केला, परंतु तो अयशस्वी झाला. भारतीय सैन्याने बहुतेक क्षेपणास्त्रे आणि ड्रोन हवेत पाडले आहेत. दरम्यान, अमेरिकेचे परराष्ट्र मंत्री मार्को रुबियो यांनी भारतीय परराष्ट्र मंत्री एस. जयशंकर यांच्याशी चर्चा केली आहे.Marco Rubio and S Jaishankar

अमेरिकेचे परराष्ट्र मंत्री मार्को रुबियो यांच्याशी चर्चा झाल्यानंतर भारताचे परराष्ट्र मंत्री एस जयशंकर यांनी, एस जयशंकर यांनी इंस्टाग्रामवर एक पोस्ट शेअर केली आणि म्हटले की, “आज सकाळी अमेरिकेचे परराष्ट्र मंत्री मार्को रुबियो यांच्याशी चर्चा झाली. भारताची भूमिका नेहमीच संयमी आणि जबाबदार राहिली आहे आणि भविष्यातही तीच राहील.

Devendra Fadnavis : महाराष्ट्र शासन अन् विधि सेंटर फॉर लिगल पॉलिसी यांच्यात सामंजस्य करार

मार्को रुबियो यांनी यापूर्वी पाकिस्तानचे लष्करप्रमुख असीम मुनीर यांच्याशी चर्चा केली होती. या वादाबद्दल अलीकडेच अमेरिकेचे राष्ट्राध्यक्ष डोनाल्ड ट्रम्प म्हणाले होते की त्यांना हा वाद लवकरात लवकर सोडवायचा आहे.

डोनाल्ड ट्रम्प म्हणाले होते की त्यांना समजते की या दोन्ही देशांचे एकमेकांशी अनेक दशकांपासून मतभेद आहेत. तथापि, त्यांचे दोन्ही देशांच्या नेत्यांशी चांगले संबंध आहेत. परराष्ट्र मंत्री मार्को रुबियो दोन्ही देशांच्या नेत्यांशी सतत संपर्कात आहेत आणि हा वाद संपवण्याचा प्रयत्न करत आहेत. व्हाईट हाऊसच्या प्रेस सेक्रेटरी कॅरोलिन लेविट यांनी शुक्रवारी सांगितले की, राष्ट्राध्यक्ष ट्रम्प यांना भारत आणि पाकिस्तानमधील सुरू असलेला तणाव कमी करायचा आहे. पत्रकार परिषदेत बोलताना लेविट म्हणाल्या की, परराष्ट्र मंत्री मार्को रुबियो दोन्ही देशांच्या नेत्यांशी सतत संपर्कात आहेत आणि हा संघर्ष संपवण्याचा प्रयत्न करत आहेत.