Jammu and Kashmir : जम्मू-काश्मीरमधील पूंछमध्ये प्रवाशांनी भरलेली बस दरीत कोसळली

By, Pravin Wankhade - May 6, 2025 08:30:23

0

चार जणांचा मृत्यू आणि ४० हून अधिकजण जखमी झाले.

विशेष प्रतिनिधी

श्रीनगर : Jammu and Kashmir जम्मू आणि काश्मीरमधील पूंछ येथे एक भीषण अपघात घडला. येथे एक बस अनियंत्रित झाली आणि दरीत कोसळली. या अपघातात चार जणांचा मृत्यू झाला.Jammu and Kashmir

जम्मू आणि काश्मीरमधील पूंछ जिल्ह्यात मंगळवारी एक खासगी प्रवासी बस रस्त्यापासून घसरून दरीत कोसळल्याने चार जणांचा मृत्यू झाला तर ४४ जण जखमी झाले, असे अधिकाऱ्यांनी सांगितले. त्यांनी सांगितले की, बस घानी गावाहून मेंढरला जात असताना सकाळी ९.२० वाजता मानकोट परिसरातील सांगराजवळ हा अपघात झाला. जखमींना वाचवण्याचे काम सुरू आहे.

Devendra Fadnavis आगामी पाच वर्षांत महाराष्ट्राला पर्यटन क्षेत्रात पहिल्या क्रमांकावर आणण्याचा प्रयत्न – मुख्यमंत्री फडणवीस

घनी गावातील 45 वर्षीय मोहम्मद मजीद, 55 वर्षीय शकीला बेगम आणि कसबलारी येथील नूर हुसेन (60) अशी मृतांची नावे आहेत. आसाममध्ये तैनात असलेला सैनिक माजिद रजेवर त्याच्या गावी आला होता. बचाव कर्मचाऱ्यांना हुसेन आणि मजीद जागीच मृत आढळले. जखमींपैकी आठ जणांची प्रकृती गंभीर आहे.

मेंढर ब्लॉक मेडिकल ऑफिसर अशफाक चौधरी यांनी सांगितले की, गंभीर जखमी झालेल्या नऊ जणांपैकी पाच जणांना विशेष उपचारांसाठी जम्मूतील सरकारी मेडिकल कॉलेज (जीएमसी) रुग्णालयात पाठवण्यात आले आहे.