Annamalai : तामिळनाडूमध्ये भाजपने प्रदेशाध्यक्ष बदलले, अन्नामलाई यांच्या जागी आता नयनार नागेंद्रन!

By, Pravin Wankhade - April 13, 2025 10:30:14

0

नयनार नागेंद्रन यांच्या नावाचा प्रस्ताव भाजप नेते अण्णामलाई यांनीच ठेवला होता.

विशेष प्रतिनिधी

चेन्नई : Annamalai भारतीय जनता पक्षाने तामिळनाडूमधील नवीन प्रदेशाध्यक्षाचे नाव जाहीर केले आहे. चेन्नई येथील पक्षाच्या बैठकीनंतर भाजप आमदार नयनर नागेंद्रन यांना भाजप तामिळनाडू युनिटचे अध्यक्ष म्हणून घोषित करण्यात आले. शुक्रवारी तमिळनाडू भाजपचे नवे अध्यक्ष म्हणून नयनर नागेंद्रन यांचे नाव जाहीर करण्यात आले. मात्र, आज पक्षाच्या बैठकीनंतर त्यास औपचारिक मान्यता देण्यात आली आहे. नयनार नागेंद्रन यांच्या नावाचा प्रस्ताव भाजप नेते अण्णामलाई यांनीच ठेवला होता. विधानसभा निवडणुकीपूर्वी भाजप राज्यात आपले अस्तित्व वाढवण्याचा प्रयत्न करत आहे.Annamalai

शुक्रवारी अन्नामलाई यांनी नयनर नागेंद्रन यांचे नाव सुचवले होते. तिथल्या नेत्यांनीही त्याला मान्यता दिली. यानंतर, नयनर नागेंद्रन यांनी प्रदेशाध्यक्ष पदासाठी उमेदवारी अर्ज दाखल केला. त्यांच्या विरोधात इतर कोणत्याही नेत्याने उमेदवारी अर्ज दाखल केला नव्हता. अशा परिस्थितीत, नयनर नागेंद्रन हे तामिळनाडू भाजपचे प्रदेशाध्यक्ष होतील हे निश्चित मानले जात होते. तथापि, शनिवारी त्याची औपचारिक घोषणा करण्यात आली. यापूर्वी, चेन्नईमध्ये भारतीय जनता पक्षाच्या पदाधिकाऱ्यांची बैठकही झाली होती, त्यानंतर नयनर नागेंद्रन यांना तामिळनाडू भाजपचे प्रदेशाध्यक्ष घोषित करण्यात आले.

Chief Minister Fadnavis : तहव्वुर राणाच्या चौकशीत महाराष्ट्र सरकार NIAला पूर्ण सहकार्य करेल – मुख्यमंत्री फडणवीस

नयनर नागेंद्रन हे भारतीय जनता पक्षाचे नेते आणि तामिळनाडूच्या तिरुनेलवेली विधानसभा मतदारसंघाचे आमदार आहेत. यापूर्वी नागेंद्रन तामिळनाडू भाजपचे उपाध्यक्षपद भूषवत होते. याशिवाय, नयनर नागेंद्रन यांनी यापूर्वी तामिळनाडू सरकारमध्ये मंत्रीपदही भूषवले आहे.