PM Modi : पंतप्रधान मोदींनी गीर राष्ट्रीय उद्यानात जागतिक वन्यजीव दिन साजरा केला

By, Pravin Wankhade - March 3, 2025 07:00:40

0

जंगल सफारीचा आनंद घेतला अन् वन कर्मचाऱ्यांशी संवादही साधला

विशेष प्रतिनिधी

जुनागढ : PM Modi पंतप्रधान नरेंद्र मोदी तीन दिवसांच्या गुजरात दौऱ्यावर आहेत. दरम्यान, जागतिक वन्यजीव दिनानिमित्त पंतप्रधान मोदी सोमवारी सकाळी जुनागढ जिल्ह्यातील गीर राष्ट्रीय उद्यानात पोहोचले. जिथे त्याने जंगल सफारीचा आनंद घेतला. रविवारी पंतप्रधान मोदी सोमनाथ मंदिरात पोहोचले होते. जिथे त्याने पूजा केली आणि सोमनाथहून ते थेट सासनला पोहोचले. जिथे ते रात्री ‘सिंह सदन’ येथील वन अतिथीगृहात राहिले.PM Modi

सोमवारी पंतप्रधान मोदी ‘सिंह सदन’ ते गिर राष्ट्रीय उद्यानपर्यंत जंगल सफारीला गेले. यावेळी पंतप्रधान मोदींसोबत अनेक मंत्री आणि वन विभागाचे वरिष्ठ अधिकारीही उपस्थित होते. सोमवारीच, पंतप्रधान मोदी गिर वन्यजीव अभयारण्याचे मुख्यालय असलेल्या सासन गीर येथे राष्ट्रीय वन्यजीव मंडळाच्या (NBWL) सातव्या बैठकीचे अध्यक्षपद भूषवतील. एनबीडब्ल्यूएलमध्ये एकूण ४७ सदस्य असतात, ज्यात लष्करप्रमुख, विविध राज्यांचे सदस्य, क्षेत्रात काम करणाऱ्या स्वयंसेवी संस्थांचे प्रतिनिधी, मुख्य वन्यजीव रक्षक आणि विविध राज्यांचे सचिव यांचा समावेश असतो. या बैठकीनंतर, पंतप्रधान मोदी काही महिला वन कर्मचाऱ्यांशीही संवाद साधतील.

तुम्हाला खुर्ची टिकवता आली नाही तर मी काय करू??; “पर्मनंट” उपमुख्यमंत्री अजितदादांचा एकनाथ शिंदेंना टोला!!

पंतप्रधान नरेंद्र मोदी गुजरातचे मुख्यमंत्री असताना त्यांनी सासनला जगातील एक प्रमुख पर्यटन स्थळ म्हणून स्थान दिले. गुजरातमधील गीर राष्ट्रीय उद्यान सिंहांसाठी प्रसिद्ध आहे. जिथे आशियाई वंशाचे सिंह आढळतात. यासोबतच, भारतातील सर्वात मोठे हरण, सांभर, चितळ, नीलगाय, चिंकारा आणि हरीण देखील गीर राष्ट्रीय उद्यानात आढळतात.