Sriharikota : श्रीहरिकोटातून इस्रो आज रात्री लाँच करणार स्पॅडेक्स मिशन; डॉकिंग तंत्रज्ञान वापरणारा चौथा देश बनणार भारत

By, Pravin Wankhade - December 30, 2024 09:30:32

0

वृत्तसंस्था

श्रीहरिकोटा : Sriharikota इस्रो सोमवारी रात्री 9.58 वाजता श्रीहरिकोटा येथील सतीश धवन अंतराळ केंद्रातून दोन उपग्रह प्रक्षेपित करणार आहे. या उपग्रहांचा उद्देश अवकाशात जोडण्याच्या आणि विभक्त होण्याच्या (डॉकिंग आणि अनडॉकिंग) तंत्रज्ञानाची चाचणी घेणे आहे. स्पॅडेक्स मिशनसह हा जगातील चौथा देश बनेल. आतापर्यंत केवळ अमेरिका, रशिया आणि चीन या देशांनीच अवकाशात डॉकिंग तंत्रज्ञानाचा वापर केला आहे.Sriharikota

सुप्रिया सुळेंनी सांगून देखील युगेंद्र पवारांनी फेरमतमोजणीचा अर्ज मागे घेतलाच नाही??

इस्रोचे मुख्य रॉकेट पीएसएलव्ही एसडीएक्स 01 आणि एसडीएक्स 02 हे दोन उपग्रह ४७६ किमी उंचीवर असलेल्या कक्षेत ठेवेल. त्यानंतर जानेवारीच्या पहिल्या आठवड्यापासून या उपग्रहांद्वारे ‘स्पेस डॉकिंग एक्सपेरिमेंट’ (एसपीएडीईएक्स) केले जाईल.

चंद्रावरील मोहिमांसाठी लाभदायी

ही मोहीम भारताच्या भविष्यातील अंतराळ मोहिमांसाठी महत्त्वपूर्ण ठरेल. ज्यामध्ये चंद्रावरून माती आणि खडक पृथ्वीवर आणणे, भारतीय अंतराळ स्थानक बांधणे आणि चंद्रावर अंतराळवीर पाठवणे या मोहिमांसाठी लाभदायी ठरेल.