Harini Amarasuraya : हरिणी अमरसूर्या बनल्या श्रीलंकेच्या पंतप्रधान; राजकारणात प्रवेश केल्यानंतर 5 वर्षांनी झाल्या PM

By, Pravin Wankhade - November 19, 2024 03:00:15

0

वृत्तसंस्था

कोलंबो : Harini Amarasuraya श्रीलंकेत 14 नोव्हेंबरला संसदीय निवडणुका झाल्या. यामध्ये राष्ट्रपती अनुरा कुमार दिसानायके यांची आघाडी एनपीपीने विजय मिळवला होता. सोमवारी सरकारच्या नव्या मंत्रिमंडळाची स्थापना करण्यात आली. हरिणी अमरसूर्या श्रीलंकेच्या पंतप्रधान बनल्या आहेत. यात त्या हंगामी पंतप्रधान होत्या.Harini Amarasuraya

अमरसूर्या यांनी 1991 ते 1994 या काळात दिल्ली विद्यापीठाच्या हिंदू कॉलेजमध्ये शिक्षण घेतले. 5 वर्षांपूर्वीच त्यांनी राजकारणात प्रवेश केला. श्रीलंकेत दोन महिन्यांपूर्वी स्थापन झालेल्या अंतरिम सरकारमध्येही त्या पंतप्रधान होत्या. राष्ट्रपती झाल्यानंतर दिसानायके यांनी त्यांना पंतप्रधान केले.

G-20 summit : G-20 शिखर परिषदेत मोदी म्हणाले – ‘ग्लोबल साउथचा आवाज बुलंद करावा लागेल’

राष्ट्रपती अनुरा कुमार दिसानायके यांनी राष्ट्रपती सचिवालयात मंत्रिमंडळ सदस्यांना पदाची शपथ दिली. या मंत्रिमंडळात राष्ट्रपतींसह 22 सदस्य आहेत. 2 महिला आणि 2 तामिळ खासदारांचाही मंत्रिमंडळात समावेश करण्यात आला आहे. बाकी मंत्र्यांची नावे नंतर जाहीर केली जातील.

श्रीलंकेच्या राज्यघटनेनुसार कॅबिनेट मंत्र्यांची संख्या 30 पेक्षा जास्त आणि उपमंत्र्यांची संख्या 40 पेक्षा जास्त असू शकत नाही. सरकारचा खर्च कमी करण्यासाठी दिसानायके यांनी मंत्रिमंडळ लहान ठेवले आहे.

हरिणी अमरसूर्या तिसऱ्या महिला पंतप्रधान

अमरसूर्या या श्रीलंकेत पंतप्रधानपद भूषवणाऱ्या तिसऱ्या महिला आहेत. त्यांच्या आधी सिरिमाओ भंडारनायके (3 वेळा) आणि चंद्रिका कुमारतुंगा (1 वेळा) या देशाच्या महिला पंतप्रधान होत्या. 2020 मध्ये हरिणी अमरसूर्या पहिल्यांदाच खासदार झाल्या. राजकारणात येण्यापूर्वी अमरसूर्या श्रीलंका मुक्त विद्यापीठात प्राध्यापक होत्या.

2015 मध्ये त्या सरकारविरोधातील आंदोलनात सामील झाल्या. यादरम्यान, त्या दिसानायके यांच्या संपर्कात आल्या आणि 2019 मध्ये त्या जनता विमुक्ती पेरामुना या पक्षात सामील झाल्या. 2020 मध्ये संसदीय निवडणुका जिंकून त्या पहिल्यांदाच खासदार झाल्या.

श्रीलंकेच्या संसदेचे पहिले अधिवेशन 21 नोव्हेंबरपासून सुरू होणार आहे. यावेळी संसदेतील बहुतांश खासदार नव्याने निवडून आले आहेत.

शपथविधीनंतर राष्ट्रपती दिसानायके यांनी मंत्रिमंडळाला संबोधित केले. यामध्ये ते म्हणाले- बहुतांश मंत्री केवळ मंत्रिमंडळातच नव्हे तर संसदेतही नवीन आहेत. ते सर्व प्रामाणिक असून भ्रष्ट नसून लोकांच्या अपेक्षा पूर्ण करण्याचे धाडस त्यांच्यात आहे हे आपल्याला चांगलेच माहीत आहे. सर्व मंत्री जबाबदारीने काम करतील, अशी आशा आहे.

14 नोव्हेंबर रोजी झालेल्या संसदीय निवडणुकीत राष्ट्रपती दिसानायके यांच्या युतीने 225 पैकी 159 जागा जिंकल्या. निवडणुकीत त्यांच्या आघाडीला 61 टक्के मते मिळाली.