Eknath Shinde and Devendra Fadnavis : बाबा सिद्दीकींच्या हत्येप्रकरणी काय म्हणाले, एकनाथ शिंदे अन् देवेंद्र फडणवीस?

By, Pravin Wankhade - October 13, 2024 06:00:47

0

विरोधकांनी गृहमंत्री देवेंद्र फडणवीस यांच्या राजीनाम्याची मागणी केली आहे.

विशेष प्रतिनिधी

Eknath Shinde and Devendra Fadnavis बाबा सिद्दीकी हत्या प्रकरणावर महाराष्ट्राचे मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांची प्रतिक्रिया समोर आली आहे. विरोधकांच्या राजीनाम्याच्या मागणीच्या पार्श्वभूमीवर सरकार या प्रकरणाच्या मुळाशी जाईल असे दोन्ही नेत्यांनी स्पष्टपणे सांगितले आहे. बाबा सिद्दीकी यांच्या हत्येमागे जो कोणी असेल त्याला सोडले जाणार नाही.Eknath Shinde and Devendra Fadnavis

Salman Khan : बाबा सिद्दीकी यांच्या हत्येचे कारण बनली सलमान खानशी जवळीक?

काय म्हणाले एकनाथ शिंदे?

या प्रकरणावर प्रतिक्रिया देताना मुख्यमंत्री एकनाथ शिंदे म्हणाले, ‘बाबा सिद्दीकी यांच्या हत्येप्रकरणी दोघांना अटक करण्यात आली आहे. एकजण फरार आहे. यासाठी पथके काम करत आहेत. त्याला कठोरात कठोर शिक्षा देण्यासाठी आम्ही कटिबद्ध आहोत. पोलिस सातत्याने तपास करत आहेत. सरकार या प्रकरणाच्या मुळाशी पूर्णपणे जाईल. यामागे जो कोणी असेल त्याला आम्ही अजिबात सोडणार नाही. पोलीस त्याच्या खऱ्या सूत्रधारापर्यंत पोहोचण्याचा प्रयत्न करत आहेत. हे प्रकरण फास्ट ट्रॅकवर नेऊन कोर्टात फाशीची मागणी केली जाईल. दोषी कोणीही असो, त्याला सोडले जाणार नाही. मुंबई पोलीस तपास करत आहेत.

या प्रकरणात पोलिसांना काही सुगावा लागल्याचे फडणवीस म्हणाले

महाराष्ट्राच्या गृहखात्याचा कार्यभार सांभाळणारे फडणवीस गोंदिया जिल्ह्यात म्हणाले, ‘हत्येचा वेगवेगळ्या कोनातून तपास केला जात आहे, मात्र पोलीस त्याबाबत नंतर माहिती देतील.’ ते पुढे म्हणाले, ‘या भयंकर आणि दुःखद घटनेने आपण सर्वजण हादरलो आहोत. बाबा सिद्दीकी माझ्या खूप जवळचे होते, आम्ही अनेक वर्षे एकत्र काम केले. काही सुगावा सापडले आहेत पण मी ते अजून उघड करू शकत नाही. या हल्ल्यामागे काही बाबीही समोर आल्या आहेत मात्र कायदेशीर प्रक्रिया पूर्ण झाल्यानंतर पोलीस याबाबत माहिती देणार आहेत.