Omar Abdullah : ओमर अब्दुल्ला गांदरबलमधून निवडणूक लढवणार; PDPवर जाहीरनामा कॉपी केल्याचा आरोप

By, Pravin Wankhade - August 26, 2024 06:00:16

0

वृत्तसंस्था

श्रीनगर : नॅशनल कॉन्फरन्सचे (NC) उपाध्यक्ष ओमर अब्दुल्ला ( Omar Abdullah ) हे गांदरबल मतदारसंघातून विधानसभा निवडणूक लढवणार आहेत. श्रीनगरमधील नॅशनल कॉन्फरन्सचे खासदार सय्यद रुहुल्ला मेहदी यांनी नुनेर येथील निवडणूक सभेत ही घोषणा केली. ओमर अब्दुल्लाही येथे उपस्थित होते.

तथापि, जुलै 2020 मध्ये ओमर म्हणाले होते की जोपर्यंत जम्मू-काश्मीरला राज्याचा दर्जा मिळत नाही, तोपर्यंत मी विधानसभा निवडणूक लढवणार नाही. ओमर यांनी 2014 च्या विधानसभा निवडणुकीत बीरवाह मतदारसंघातून निवडणूक लढवली होती. त्यांनी काँग्रेसचे उमेदवार नजीर अहमद खान यांचा 910 मतांनी पराभव केला होता.

पीपल्स डेमोक्रॅटिक पार्टीने (पीडीपी) आमचा जाहीरनामा कॉपी केला असल्याचे अब्दुल्ला यांनी माध्यमांशी बोलताना सांगितले. आम्ही यापूर्वी दिलेली जवळपास सर्व आश्वासने त्यांनी दिली. काश्मीरच्या भल्यासाठी, पीडीपीने एनसी-काँग्रेसच्या उमेदवारांविरुद्ध उमेदवार उभे करू नये, कारण त्यांचा आणि आमचा अजेंडा हा एकच आहे.

Vasant Chavan : काँग्रेस पक्षाचे ज्येष्ठ नेते, नांदेडचे खासदार वसंत चव्हाण यांचे दुःखद निधन; हैदराबादेतील रुग्णालयात सुरू होते उपचार

पीडीपी सुप्रीमो मेहबूबा मुफ्ती यांनी 24 ऑगस्टला पक्षाचा जाहीरनामा प्रसिद्ध केला होता. काँग्रेस आणि नॅशनल कॉन्फरन्सची युती अजेंड्यावर नव्हे तर जागावाटपावरून होत असल्याचे ते म्हणाले होते. आमच्या पक्षाचा अजेंडा दोन्ही पक्षांना मान्य असेल तर आम्ही युतीसाठी तयार आहोत. आमचा एकच अजेंडा आहे – जम्मू-काश्मीरच्या समस्येवर तोडगा.

एनसी-काँग्रेसची पहिली यादी आज शक्य

जम्मू-काश्मीर निवडणुकीसाठी नॅशनल कॉन्फरन्स आणि काँग्रेसच्या उमेदवारांची पहिली यादी आज जाहीर होऊ शकते. आघाडी अंतर्गत पहिल्या टप्प्यात नॅशनल कॉन्फरन्स 15 जागांवर तर काँग्रेस 9 जागांवर निवडणूक लढवणार आहे. एनसी आणि काँग्रेसने 22 ऑगस्ट रोजी युतीची घोषणा केली. काही जागांसाठी दोन्ही पक्षांमध्ये अजूनही चुरस आहे. त्यामुळे यादी तयार होण्यास विलंब होत आहे.