Badlapur Incident : बदलापूर घटनेच्या चौकशीसाठी आरती सिंह यांच्या नेतृत्वाखाली एसआयटी

By, Pravin Wankhade - August 20, 2024 03:19:47

0

विशेष प्रतिनिधी

मुंबई : बदलापूर येथील घटना दुर्दैवी आहे. या घटनेची चौकशी करण्यासाठी पोलीस महानिरीक्षक दर्जाच्या वरिष्ठ आयपीएस अधिकारी आरती सिंग यांच्या अध्यक्षतेखाली विशेष तपास पथक गठीत करण्याचे निर्देश उपमुख्यमंत्री देवेंद्र फडणवीस यांनी दिले आहेत. Badlapur incident SIT headed by Aarti Singh to investigate

याबाबत एक्स या सोशल नेटवर्किंग साइटवर केलेल्या पोस्टमध्ये देवेंद्र फडणवीस यांच्या कार्यालयाने म्हटले आहे की बदलापूर येथील दुर्दैवी घटनेची चौकशीकरण्यासाठी उपमुख्यमंत्री देवेंद्र फडणवीस यांनी पोलिस महानिरीक्षक दर्जाच्या वरिष्ठ आपीएस अधिकारी आरती सिंग यांच्या अध्यक्षतेखाली एसआयटी गठित करण्याचे आदेश दिले आहेत. दोषींवर कठोरातील कठोर कारवाई करण्यासाठी, हा खटला जलदगती न्यायालयात चालविण्यासाठी आजच प्रस्ताव सादर करण्याचे आदेश ठाणे पोलिस आयुक्तांना सुद्धा त्यांनी दिले आहेत.

Maharashtra Deputy CM Devendra Fadnavis has ordered the formation of an SIT headed by Inspector General of Police level senior IPS officer Arti Singh to investigate the incident that took place in Badlapur.

Thane Police Commissioner has also been ordered to submit a proposal… pic.twitter.com/U9bXM6a7nb

— ANI (@ANI) August 20, 2024

बदलापूर पूर्वेतील आदर्श शाळेतील दोन चिमुकल्यांवर अत्याचार झाल्याची घटना घडली आहे. या घटनेनंतर सर्वत्र संताप व्यक्त केला जातो आहे. सकाळपासून पालकांनी आदर्श शाळेबाहेर आंदोलन सुरू केले आहे. या घटनेतील दोषींवर कारवाई करण्याची मागणी केली जात आहे. दरम्यान, याप्रकरणाच्या चौकशीसाठी आता सरकारने विशेष तपास पथकाची स्थापना केली आहे. उपमुख्यमंत्री देवेंद्र फडणवीस यांच्या कार्यलयाने एक्स या समाज माध्यमावर पोस्ट करत यासंदर्भात माहिती दिली.

याप्रकरणातील दोषींवर कठोरातील कठोर कारवाई करण्यासाठी हा खटला जलदगती न्यायालयात चालविण्यासाठी आजच प्रस्ताव सादर करण्याचे निर्देशही ठाणे पोलिस आयुक्तांना दिल्याची माहिती त्यांनी दिली आहे.