पाकिस्तान बरबारदीच्या उंबरठ्यावर! जीवनावश्यक वस्तूंसाठी जनतेची होरपळ सुरू Inflation has increased in Pakistan people are struggling for essential goods

पाकिस्तान बरबारदीच्या उंबरठ्यावर! जीवनावश्यक वस्तूंसाठी जनतेची होरपळ सुरू

Inflation has increased in Pakistan people are struggling for essential goods

महागाईने गाठला उच्चांक, सर्वसामान्य जनतेमध्ये सरकारविरोधात प्रचंड संताप Inflation has increased in Pakistan people are struggling for essential goods

विशेष प्रतिनिधी

नवी दिल्ली : आपला शेजारी देश पाकिस्तान सध्या पूर्णपणे बरबादीच्या उंबरठ्यावर आहे. पाकिस्तान भलेही वरवर चांगलं दाखवण्याचा आव आणत असेल, पण तेथील अंतर्गत परिस्थिती चांगली नाही. महागाईने होरपळणाऱ्या पाकिस्तानी जनतेमध्ये शोकांतिकेची परिस्थिती आहे. महागाईने तेथील जनतेचे कंबरडे मोडले आहे. त्यामुळेच पाकिस्तानातील जनता आता त्यांच्याच सरकारच्या विरोधात उभी राहिली आहे.

परिस्थिती अशी आहे की पाकिस्तानमध्ये पीठ, डाळी, दूध यासारख्या दैनंदिन जीवनावश्यक वस्तूंच्या किमतीही गगनाला भिडल्या आहेत. डाळ आणि भाकरीही आता सर्वसामान्यांच्या आवाक्याबाहेर गेली आहे. अशा परिस्थितीत पाकिस्तानमध्ये महागाई आणि अन्नसंकट यासारख्या समस्या गृहयुद्धाला कारणीभूत ठरू शकतात, असे म्हटल्यास वावगे ठरणार नाही.

एका मीडिया रिपोर्टनुसार, पाकिस्तानमध्ये एक किलो पीठाची किंमत 800 रुपये आहे. काही दिवसांपूर्वी 230 रुपये किलो दराने पीठ विकले जात असले तरी त्याचे भाव गगनाला भिडले आहेत. एवढेच नाही तर पाकिस्तानमध्ये एका रोटीची किंमत 25 रुपये आहे. मात्र, पिठाची ही किंमत पाकिस्तानच्या चलनानुसार आहे.

कारण भारताचे चलन पाकिस्तानच्या चलनापेक्षा मजबूत आहे. त्यामुळे पाकिस्तानच्या साडेतीन रुपयांची किंमत भारताच्या एक रुपयाएवढी आहे. भारतीय चलनातही पिठाची किंमत 238 रुपये किलो आहे. अशा परिस्थितीत रोज 500 रुपये कमावणारी व्यक्ती आपल्या कुटुंबाचा उदरनिर्वाह कसा करणार? हा एक मोठा प्रश्न आहे.