भोजपुरी स्टार पवन सिंह आसनसोलमधून निवडणूक लढवणार नाही, ‘टीएमसी’वर केले आरोप

By, Pravin Wankhade - March 3, 2024 06:00:19

0

म्हणजे टीएमसी नेत्यांची निराशा आणि पराभव दिसून येतो.

विशेष प्रतिनिधी

आसनसोल : भोजपुरी स्टार पवन सिंह यांनी आसनसोलमधून निवडणूक लढवणार नसल्याचे सांगितले आहे. सोशल मीडिया प्लॅटफॉर्म X वर त्यांनी ही माहिती दिली आहे. पवन सिंह यांनी X वर लिहिले आहे की, ‘मी भारतीय जनता पक्षाच्या सर्वोच्च नेतृत्वाचे मनापासून आभार व्यक्त करतो. पक्षाने माझ्यावर विश्वास ठेवून मला आसनसोलमधून उमेदवार म्हणून घोषित केले, परंतु काही कारणास्तव मी आसनसोलमधून निवडणूक लढवू शकणार नाही. भारतीय जनता पक्षाने शनिवारी १९५ उमेदवारांची पहिली यादी जाहीर केली होती. या यादीत पवन सिंह यांच्या नावाचाही समावेश होता.Bhojpuri star Pawan Singh will not contest elections from Asansol accused TMC

प्रसिद्ध भोजपुरी अभिनेता रवी किशन यांच्या लेकीची वेगळी वाट

पवन सिंह यांच्या नावाने एक पोस्ट देखील आली आहे ज्यामध्ये म्हटले आहे की, ‘पश्चिम बंगालच्या समृद्धीसाठी भाजपाकडून सातत्याने प्रयत्न केले जात आहेत. नरेंद्र मोदी यांनी चालवलेल्या डझनभर योजना आजही बंगालमध्ये पूर्णपणे लागू झाल्या नाहीत कारण येथील स्थानिक सरकार विकासाच्या बाजूने नाही. आज तृणमूल काँग्रेसचे अनेक नेते संतापले आहेत आणि भाजप आणि माझ्यावरही बेछूट आरोप करत आहेत. बंगालच्या सभ्यतेला आणि नागरिकांना दुखावणारे कोणतेही कार्य करायला मी तयार नाही. तृणमूल काँग्रेसच्या नेत्यांनी एवढ्या खालच्या पातळीवरील आरोप करणे म्हणजे त्यांची निराशा आणि पराभव दिसून येतो.

वास्तविक, शनिवारी भाजपाने पवन सिंह यांना पश्चिम बंगालच्या आसनसोल जागेसाठी उमेदवारी दिली आहे. नाव जाहीर झाल्यानंतर त्यांचे समर्थकही एका व्हिडिओमध्ये त्यांच्यासोबत आनंदोत्सव साजरा करताना दिसले. आज त्यांनी आसनसोल मतदारसंघातून निवडणूक लढवण्यास नकार दिला आहे. त्यांनी आपल्या पोस्टमध्ये टीएमसीवर गंभीर आरोपही केले आहेत. त्यांनी टीएमसी नेत्यांवर बिनबुडाचे आरोप केल्याची चर्चा आहे.