पंतप्रधान मोदींनी 'मन की बात' रेडिओ कार्यक्रमात २६/११ च्या शहीदांना केले अभिवादन |Prime Minister Modi saluted the martyrs of 26/11 in his radio program Mann Ki Baat

पंतप्रधान मोदींनी ‘मन की बात’ रेडिओ कार्यक्रमात २६/११ च्या शहीदांना केले अभिवादन

यासोबतच पंतप्रधान नरेंद्र मोदी यांनी ‘व्होकल फॉर लोकल’बद्दलही चर्चा केली

विशेष प्रतिनिधी

नवी दिल्ली : पंतप्रधान नरेंद्र मोदी आज (रविवार) मन की बात रेडिओ कार्यक्रमातून देशाला संबोधित केले. पंतप्रधान मोदींच्या मन की बात कार्यक्रमाचा हा १०७ वा भाग होता. यादरम्यान पंतप्रधान नरेंद्र मोदी यांनी सर्वप्रथम २६/११ च्या मुंबई हल्ल्यातील शहीदांना श्रद्धांजली वाहिली.Prime Minister Modi saluted the martyrs of 26/11 in his radio program Mann Ki Baat

यासोबतच पंतप्रधान नरेंद्र मोदी यांनी ‘व्होकल फॉर लोकल’बद्दलही चर्चा केली. पंतप्रधान नरेंद्र मोदी प्रत्येक महिन्याच्या शेवटच्या रविवारी मन की बात कार्यक्रमाद्वारे देशाला संबोधित करतात.

पंतप्रधान मोदींनी तेजस लढाऊ विमानातून घेतली भरारी; ‘HAL’ फॅसिलिटी सेंटरची केली पाहणी

डिजिटल पेमेंटवर पंतप्रधान मोदी म्हणाले की, या सणासुदीच्या काळात एक नवीन ट्रेंड दिसला आहे. सलग दुसऱ्या वर्षी दिवाळीनिमित्त रोख रक्कम देऊन वस्तू खरेदी करण्याचा कल हळूहळू कमी होत आहे. आता लोक अधिकाधिक डिजिटल पेमेंट करत आहेत.

याशिवाय मोदी म्हणाले की, एका महिन्यासाठी तुम्ही UPI किंवा इतर कोणत्याही माध्यमातून डिजिटल पेमेंट कराल आणि रोख पेमेंट करणार नाही. भारतात डिजिटल क्रांतीचे यश पूर्णपणे शक्य झाले. एक महिना निघून गेला की तुमचे अनुभव आणि फोटो जरूर शेअर करा, असे ते म्हणाले.

मन की बात कार्यक्रमादरम्यान पंतप्रधान नरेंद्र मोदी म्हणाले की, आमच्या तरुण मित्रांनी देशाला आणखी एक मोठी आनंदाची बातमी दिली आहे, जी सर्वांना अभिमानाने भरून टाकणारी आहे. बुद्धिमत्ता, कल्पना आणि नवनिर्मिती ही आज भारतीय तरुणांची ओळख आहे. यामध्ये तंत्रज्ञानाच्या जोडीने त्यांच्या बौद्धिक संपत्तीत सातत्याने वाढ होत आहे, ही देशाची शक्ती वाढवण्याच्या दृष्टीने महत्त्वाची प्रगती आहे.