अमिताभ बच्चन दिवाळखोर झाल्यावर सुब्रत रॉय यांनी दिला होता ‘सहारा’

By, Pravin Wankhade - November 15, 2023 08:00:24

0

वाचा गाढ मैत्रीची न ऐकलेली गोष्ट

विशेष प्रतिनिधी

मुंबई : प्रसिद्ध उद्योगपती सुब्रत रॉय सहारा यांचे मंगळवारी रात्री वयाच्या ७५ व्या वर्षी मुंबईत निधन झाले. सहारा कुटुंबाचे प्रमुख सुब्रत रॉय दीर्घकाळापासून गंभीर आजारी असल्याने त्यांच्यावर मुंबईतील एका खासगी रुग्णालयात उपचार सुरू होते. बुधवारी, त्यांचे पार्थिव लखनऊमधील सहारा शहरात आणले जाईल, जिथे त्यांना अंतिम श्रद्धांजली वाहण्यात येईल.Subrata Roy gave Sahara when Amitabh Bachchan went bankrupt

सुब्रत रॉय, भारतातील आघाडीच्या उद्योगपतींपैकी एक, सहारा इंडियाचे संस्थापक, व्यवस्थापकीय संचालक आणि चेअरमन होते, विविध व्यावसायिक हितसंबंध असलेल्या समूहासोबतच त्यांना ‘सहराश्री’ म्हणूनही ओळखले जात होते. एवढेच नाही तर बीग बी अमिताभ बच्चन यांच्याशीही त्यांची मैत्रीही खूप घट्ट होती. जाणून घेऊया त्यांच्या मैत्रीची न ऐकलेली गोष्ट…

सहारा प्रमुख सुब्रत रॉय यांचे निधन; मुंबईत घेतला अखेरचा श्वास; अनेक दिवसांपासून आजारी होते

जेव्हा अमिताभ बच्चन दिवाळखोर झाले होते आणि त्यांना चित्रपटसृष्टी किंवा राजकारणातही यश मिळत नव्हते, त्या काळात अमर सिंह बिग बी यांना घेऊन सुब्रत रॉय सहारा यांच्याकडे आले आणि सहारा यांनी अमिताभ यांना मदत केली. येथून त्यांच्या मैत्रीला सुरुवात झाली.

अमिताभ बच्चन, सुब्रत रॉय आणि अमर सिंह यांना अनेकदा एकत्र पाहिले गेले 2010 मध्ये सुब्रत रॉय सहारा यांची भाची शिवांका हिचे लग्न झाले होते. या लग्नाला अनेक दिग्गजांनी हजेरी लावली होती. यादरम्यान अमिताभ बच्चन, सुब्रत रॉय सहारा आणि जया बच्चन एकत्र दिसले.

सुब्रत रॉय सहारा आता आपल्यात नाहीत, पण ते कायम सर्वांच्या मनात राहतील. बुधवारी सुब्रत रॉय सहारा यांचा जन्म १० जून १९४८ रोजी झाला होता. ते भारतातील आघाडीचे व्यापारी आणि सहारा इंडिया परिवाराचे संस्थापक होते.

सुब्रत रॉय सहारा यांना मेटाबॉलिक स्ट्रोक, उच्च रक्तदाब आणि मधुमेहाचा त्रास होता अशी माहिती सहारा इंडियाने दिली. 14 नोव्हेंबर 2023 रोजी रात्री 10.30 वाजता कार्डिओरेस्पीरेटरी अरेस्टमुळे त्यांचे निधन झाले. 12 नोव्हेंबरपासून त्यांना कोकिलाबेन धीरूभाई अंबानी हॉस्पिटल आणि मेडिकल रिसर्च इन्स्टिट्यूट (KDAH) मध्ये दाखल करण्यात आले होते.