Defamation Case : राहुल गांधींची शिक्षा कायम राहणार की दिलासा मिळणार? ; गुजरात उच्च न्यायालय आज देणार निकाल! Defamation Case Will Rahul Gandhis punishment remain or will he get relief Gujarat High Court will give its verdict today

Defamation Case : राहुल गांधींची शिक्षा कायम राहणार की दिलासा मिळणार? ; गुजरात उच्च न्यायालय आज देणार निकाल!

संबंधित बदनामी प्रकरणात दिलेल्या शिक्षेविरोधात राहुल गांधी यांनी उच्च न्यायालयाचा दरवाजा ठोठवला होता

विशेष प्रतिनिधी

नवी दिल्ली : मानहानीच्या खटल्यात राहुल गांधी यांना सुनावण्यात आलेली शिक्षा कायम राहणार की त्यांना दिलासा मिळणार याबाबत गुजरात उच्च न्यायालय आज (शुक्रवारी) निर्णय देऊ शकते. मोदी आडनावाशी संबंधित बदनामी प्रकरणात दिलेल्या शिक्षेविरोधात राहुल गांधी यांनी उच्च न्यायालयाचा दरवाजा ठोठवला होता. Defamation Case Will Rahul Gandhis punishment remain or will he get relief Gujarat High Court will give its verdict today

या प्रकरणी आज सकाळी ११ वाजता न्यायालय निकाल देईल अशी अपेक्षा आहे. उच्च न्यायालयाने गुरुवारी जाहीर केलेल्या यादीनुसार, न्यायमूर्ती हेमंत प्रचाक यांचे न्यायालय शुक्रवारी सकाळी ११ वाजता निकाल देणार आहे. न्यायालयाने दिलासा दिल्यास राहुल गांधींचा पुन्हा संसद सदस्य बनवण्याचा मार्ग मोकळा होईल.

वास्तविक हे प्रकरण २०१९ च्या निवडणुकीदरम्यान झालेल्या एका जाहीर सभेशी संबंधित आहे, जिथे राहुल गांधींनी मोदी आडनावाबाबत भाष्य केले होते. त्यांच्या वक्तव्यावरून गुजरातच्या पूर्णेश मोदी यांनी त्यांच्यावर गुन्हा दाखल केला होता. राहुल गांधी यांनी चुकीचे आणि अपमानास्पद भाषण करून मोदी आडनावाच्या लोकांची बदनामी केली आहे, असे ते म्हणाले होते.