राहुल गांधी मणिपूरला रवाना, दोन दिवस मदत शिबिरांना भेट देणार; येथील हिंसाचारात आतापर्यंत 131 जणांचा मृत्यू|Rahul Gandhi leaves for Manipur, will visit relief camps for two days; 131 people have died in the violence here so far

राहुल गांधी मणिपूरला रवाना, दोन दिवस मदत शिबिरांना भेट देणार; येथील हिंसाचारात आतापर्यंत 131 जणांचा मृत्यू

वृत्तसंस्था

इंफाळ : काँग्रेस नेते राहुल गांधी 29 जून रोजी दोन दिवसांच्या मणिपूर दौऱ्यावर आहेत. मणिपूर काँग्रेसचे अध्यक्ष ओकराम इबोबी सिंग म्हणाले की, राहुल येथील अनेक मदत शिबिरांना भेट देतील. सिव्हिल सोसायटीचे नेते, ज्येष्ठ नागरिक आणि इतर अनेक नेत्यांनाही भेटणार आहेत.Rahul Gandhi leaves for Manipur, will visit relief camps for two days; 131 people have died in the violence here so far

मणिपूरमध्ये 3 मेपासून कुकी आणि मेईतेई समुदायांमध्ये हिंसाचार सुरू आहे. या हिंसाचारात आतापर्यंत 131 जणांचा मृत्यू झाला आहे.

मणिपूर मधल्या हिंसाचाराचे मूळ कारण काँग्रेसचेच फूटपाडे धोरण; राहुल गांधींना लिहिलेल्या पत्रात स्थानिक नेत्याचा आरोप

जाळपोळीच्या 5 हजारांहून अधिक घटना

हिंसाचाराच्या पार्श्वभूमीवर राज्यात इंटरनेट बंदी 30 जूनपर्यंत वाढवण्यात आली आहे. सर्वपक्षीय बैठकीत गृह मंत्रालयाने हिंसाचारात आतापर्यंत 131 जणांचा मृत्यू झाल्याची माहिती दिली होती. तर 419 जण जखमी झाले आहेत. जाळपोळीच्या 5 हजारांहून अधिक घटना घडल्या आहेत. सहा हजार गुन्हे दाखल करण्यात आले असून 144 जणांना अटक करण्यात आली आहे. राज्यात 36 हजार सुरक्षा कर्मचारी आणि 40 आयपीएस तैनात करण्यात आले आहेत.

मणिपूरमधील पोलिस ठाण्यांमधून शस्त्रे चोरून विकली

मणिपूरमध्ये गेल्या महिन्यात झालेल्या हिंसाचारात लुटलेली 5,000 हून अधिक शस्त्रे उपद्रवींकडून विकली जात आहेत. चार शस्त्र तस्करांना लष्कर आणि पोलिस कर्मचाऱ्यांनी अटक केल्याने हा प्रकार उघडकीस आला आहे. याप्रकरणी राखीव बटालियनच्या स्वयंपाक्यालाही अटक करण्यात आली आहे.

या तस्करांकडून चार नऊ एमएम कार्बाइन, काही मॅगझिन, एअर पिस्तूल, दारूगोळा याशिवाय 21 जिवंत काडतुसे आणि 2.6 लाख रुपयांची रोकडही जप्त करण्यात आली आहे. दुसरीकडे नागालँडमध्ये आसाम रायफल्स आणि कोहिमा पोलिसांनी संयुक्त कारवाईत मणिपूरला जाणारी शस्त्रांची मोठी खेप जप्त केली आहे. यामध्ये दोन पिस्तूल, चार मॅगझिन, दारूगोळा आणि अन्य स्फोटक साहित्य जप्त करण्यात आले आहे.