MQ-9B Drone : भारतात येणार जगातील सर्वात शक्तिशाली ‘ड्रोन’, फायटर जेटचे इंजिनही बनणार! MQ 9B Drone The worlds most powerful drone will come to India and will also become the engine of fighter jets

MQ-9B Drone : भारतात येणार जगातील सर्वात शक्तिशाली ‘ड्रोन’, फायटर जेटचे इंजिनही बनणार!

हिंद महासागर आणि चीनच्या सीमेवर पाळत ठेवण्याची क्षमता वाढणार.

विशेष प्रतिनिधी

नवी दिल्ली : राष्ट्राध्यक्ष जो बायडेन आणि पंतप्रधान मोदी यांनी MQ-9B रीपर ड्रोन खरेदी करण्याच्या भारताच्या योजनेचे स्वागत केले आहे. या ड्रोनची निर्मिती अमेरिकन कंपनी जनरल अ‍ॅटॉमिकने केली आहे. 9B रीपर, जे जगातील सर्वात शक्तिशाली ड्रोन असल्याचे म्हटले जाते, ते भारतात असेंबल केले जाईल. हा करार भारताची राष्ट्रीय सुरक्षा आणि पाळत ठेवण्याची क्षमता मजबूत करेल, ज्यामुळे हिंद महासागर आणि चीनच्या सीमेवर पाळत ठेवण्याची क्षमता वाढेल. MQ 9B Drone The worlds most powerful drone will come to India and will also become the engine of fighter jets

पाकिस्तान आणि चीन भारताबद्दल ज्याप्रकारे विचार करतातत, ते पाहता भारताने आपल्या राष्ट्रीय हितांचे रक्षण करण्यासाठी त्यांच्या हालचालींवर लक्ष ठेवणे आवश्यक आहे. MQ-9B ड्रोनच्या आगमनाने, भारताला या क्षेत्रात महत्त्वपूर्ण लाभ होईल.

36 तास उड्डाण करू शकते –

MQ-9B रीपर्स, ज्याला प्रिडेटर्स देखील म्हणतात हे एकाच वेळी 36 तास उडू शकते. लवकरच, भारताच्या तिन्ही सेना संयुक्तपणे अमेरिकेकडून खरेदी केल्या जाणार्‍या ३१ प्रीडेटर ड्रोनचे संचालन करतील. एएनआयने लष्कराच्या एका अधिकाऱ्याच्या हवाल्याने सांगितले की, हे ड्रोन त्रि-सेवा कमांडद्वारे चालवले जातील, ज्यामध्ये तिन्ही दलांचे अधिकारी आणि जवान असतील.

फायटर जेट इंजिन भारतात बनवले जाईल –

भारत-अमेरिका संयुक्त निवेदनात म्हटले आहे की बायडेन आणि मोदी यांनी लाइट कॉम्बॅट एअरक्राफ्ट Mk 2 साठी भारतात GE F-414 जेट इंजिनच्या निर्मितीसाठी जनरल इलेक्ट्रिक आणि हिंदुस्तान एरोनॉटिक्स लिमिटेड यांच्यातील करारावर स्वाक्षरी केल्याबद्दल कौतुक केले.

जनरल इलेक्ट्रॉनिक्स एरोस्पेसने गुरुवारी जाहीर केले की त्यांनी भारतीय हवाई दलासाठी लढाऊ जेट इंजिन तयार करण्यासाठी HAL सोबत सामंजस्य करारावर स्वाक्षरी केली आहे. अमेरिकन कंपनीने या कराराचे वर्णन मोदींच्या अधिकृत अमेरिका दौऱ्यातील एक महत्त्वाचा टप्पा म्हणून केले आहे.