आजपासून काश्मीरमध्ये G20ची बैठक, भारताने म्हटला- पृथ्वीवरील स्वर्ग कसा आहे हे टूरिझम वर्किंग ग्रपला दिसेल, चीनचा बहिष्कार|G20 meeting in Kashmir from today, India says - Tourism Working Group will see what heaven on earth is like, China boycott

आजपासून काश्मीरमध्ये G20ची बैठक, भारताने म्हटला- पृथ्वीवरील स्वर्ग कसा आहे हे टूरिझम वर्किंग ग्रपला दिसेल, चीनचा बहिष्कार

वृत्तसंस्था

श्रीनगर : काश्मीरमधील श्रीनगरमध्ये आजपासून G-20 पर्यटन कार्यगटाची बैठक सुरू होत आहे. तत्पूर्वी, G-20 भारतीय अध्यक्षांचे मुख्य समन्वयक, हर्षवर्धन श्रृंगला म्हणाले की, या बैठकीला उपस्थित असलेले प्रतिनिधी येथे येऊन पृथ्वीवरील स्वर्ग कसा आहे हे पाहू शकतील.G20 meeting in Kashmir from today, India says – Tourism Working Group will see what heaven on earth is like, China boycott

पर्यटन कार्यगटाची ही बैठक 22 ते 24 मे दरम्यान होणार आहे. एका अहवालानुसार, या बैठकीनंतर काश्मीरमधील विदेशी पर्यटकांची संख्या झपाट्याने वाढेल, असा विश्वास काश्मीरमधील तरुणांना आहे.

काश्मीरमधील या बैठकीमुळे पाकिस्तान आणि चीनमध्ये अनेक अडचणी निर्माण झाल्या होत्या. पाकिस्तान या संघटनेचा सदस्य नाही, तर दुसरीकडे चीनने या बैठकीत सहभागी होण्यास नकार दिला आहे.

जम्मू-काश्मीरमध्ये 18 नवीन रोपवे बांधणार, 5 हजार कोटींचा खर्च; बालटाल ते अमरनाथ अंतर फक्त 40 मिनिटांत होईल पार

स्थानिक अर्थव्यवस्थेला बूस्टर डोस

वृत्तसंस्थेच्या वृत्तानुसार, पाकिस्तान या बैठकीला अडथळा आणण्यासाठी अनेक कट रचत आहे. असे असतानाही सुरक्षा यंत्रणा सतर्क आहेत. या बैठकीतून स्थानिक अर्थव्यवस्थेला पॉवर बूस्टर डोस मिळेल, असा विश्वास स्थानिक प्रशासनाला आहे.

जम्मू-काश्मीरमधील हातमाग उद्योग, पश्मिना शाल आणि ड्रायफ्रूट व्यवसायाला नवा आयाम मिळणार आहे. यापेक्षा मोठे आहे पर्यटन क्षेत्र. यामुळेच ही बैठक यशस्वी करण्यासाठी केंद्र सरकार आणि स्थानिक प्रशासनाने अहोरात्र अथक परिश्रम घेतले.

येथे येणार्‍या पाहुण्यांना हेदेखील दाखवले जाईल की खोऱ्यात शांतता प्रस्थापित झाली आहे आणि आता जगातील प्रत्येक भागातून येणाऱ्या पर्यटकांसाठी हे पूर्णपणे सुरक्षित आहे.

शेर-ए-काश्मीर इंटरनॅशनल कन्व्हेन्शन सेंटरमध्ये 22 मे ते 24 मे दरम्यान G-20 बैठक होणार आहे. G-20 च्या तयारीच्या पार्श्वभूमीवर काश्मीरमध्ये सुरक्षा वाढवण्यात आली आहे. श्रीनगरमधील कन्व्हेन्शन सेंटर आणि आजूबाजूचा परिसर एनएसजी आणि मरीन कमांडोंच्या 24 तासांच्या देखरेखीखाली असतो. सुरक्षेसाठी पोलीस आणि निमलष्करी दलाचीही मदत घेतली जात आहे.

चीनचा बैठकीत सहभागी होण्यासाठी नकार

या G20 बैठकीत सहभागी होण्यास चीनने नकार दिला आहे. चीनने म्हटले आहे की, विवादित प्रदेशात कोणत्याही प्रकारच्या G20 बैठकीला त्यांचा ठाम विरोध आहे. चीनच्या या वक्तव्यावर भारताने आक्षेप घेतला आहे. शेजारी देशाला प्रत्युत्तर देताना भारताने म्हटले की, आपल्या हद्दीत बैठका घेण्यास ते पूर्णपणे स्वतंत्र आहे.

यापूर्वी मार्चमध्ये अरुणाचल प्रदेशमध्ये जी-20 बैठक झाली होती. त्यानंतरही चीन या बैठकीत सहभागी झाला नव्हता, तेव्हा पाकिस्तानने चीनच्या या बहिष्काराचे समर्थन केले होते.