जेट एअरवेजच्या संस्थापकांच्या जागेवर सीबीआयची धाड, 538 कोटी रुपयांचे बँक फसवणूक प्रकरण, कॅनरा बँकेच्या तक्रारीवरून कारवाई|CBI raids Jet Airways founder's seat, Rs 538 crore bank fraud case, action on Canara Bank complaint

जेट एअरवेजच्या संस्थापकांच्या जागेवर सीबीआयची धाड, 538 कोटी रुपयांचे बँक फसवणूक प्रकरण, कॅनरा बँकेच्या तक्रारीवरून कारवाई

वृत्तसंस्था

मुंबई : बँक फसवणूकप्रकरणी सीबीआयने शुक्रवारी जेट एअरवेज (इंडिया) लिमिटेडचे संस्थापक नरेश गोयल यांच्या मुंबईतील कार्यालयासह सात ठिकाणांची झडती घेतली. वास्तविक, कॅनरा बँकेने 538 कोटी रुपयांच्या बँक फसवणुकीचा नवीन गुन्हा दाखल केला आहे. त्यावरून ही कारवाई करण्यात आली. नरेश गोयल यांच्या पत्नी अनिता आणि इतर काही जणही या प्रकरणात आरोपी आहेत.CBI raids Jet Airways founder’s seat, Rs 538 crore bank fraud case, action on Canara Bank complaint

सीबीआय अधिकाऱ्यांनी सांगितले की, “गोयल यांच्यावर पैशांचा गैरवापर आणि इतर अनियमिततेचे आरोप आहेत. सीबीआयने नरेश गोयल, त्यांची पत्नी अनिता गोयल आणि विमान कंपनीचे माजी संचालक गौरांग आनंद शेट्टी यांच्या निवासस्थानांवर आणि कार्यालयांवर छापे टाकले.

जेट एअरवेजच्या कर्मचाऱ्यांसाठी चने-फुटाणेच, तीन ते ८५ लाखांपर्यंत भरपाईची मागणी आणि हाता टिकवताहेत २३ हजार रुपये

जेट एअरवेज एप्रिल 2019 पासून बंद

जेट एअरवेज ही एकेकाळी भारतातील सर्वात मोठ्या खासगी विमान कंपन्यांपैकी एक होती आणि दक्षिण आशियाई राष्ट्रातील सर्वात मोठ्या खासगी विमान कंपनीचा दर्जा या विमान कंपनीला मिळाला होता. तथापि, कर्जाच्या ओझ्यामुळे 17 एप्रिल 2019 रोजी जेट एअरवेज बंद झाली. त्यानंतर, जून 2021 मध्ये, राष्ट्रीय कंपनी कायदा न्यायाधिकरण (NCLT) च्या दिवाळखोरी रिझोल्यूशन प्रक्रियेअंतर्गत बोली जिंकल्यानंतर जालान-कॅलरॉक कन्सोर्टियमने एअरलाइन ताब्यात घेतली.

हे कन्सोर्टियम मुरारी लाल जालान आणि कॅलरॉक कॅपिटल यांची संयुक्त कंपनी आहे. जालान हे दुबईस्थित भारतीय वंशाचे व्यापारी आहेत. तर कॅलरॉक कॅपिटल मॅनेजमेंट लिमिटेड ही लंडन स्थित एक जागतिक कंपनी आहे जी आर्थिक सल्लागार आणि पर्यायी मालमत्ता व्यवस्थापन क्षेत्रात कार्यरत आहे. त्याचे संस्थापक फ्लोरियन फ्रेच आहेत.

नरेश गोयल यांनी आणली होती जेट एअरवेज

1990 च्या दशकाच्या सुरुवातीला, तिकीट एजंट-उद्योजक बनलेले नरेश गोयल यांनी लोकांना एअर इंडियाला पर्याय देण्यासाठी जेट एअरवेज सुरू केली. एकेकाळी जेटकडे एकूण 120 विमाने होती. ‘द जॉय ऑफ फ्लाइंग’ या टॅग लाईनसह कार्यरत असलेल्या कंपनीने कधीकाळी दिवसाला 650 उड्डाणे चालवली. कंपनी बंद झाली तेव्हा त्यांच्याकडे फक्त 16 विमाने उरली होती. मार्च 2019 पर्यंत कंपनीचा तोटा 5,535.75 कोटी रुपयांवर पोहोचला होता.