Naxal Attack : विजापूरचे काँग्रेस आमदार विक्रम मांडवींच्या वाहन ताफ्यावर नक्षलवाद्यांचा हल्ला!Bijapur Congress MLA Vikram Mandvis convoy attacked by Naxalists

Naxal Attack : विजापूरचे काँग्रेस आमदार विक्रम मांडवींच्या वाहन ताफ्यावर नक्षलवाद्यांचा हल्ला!

जिल्हा पंचायत सदस्या पार्वती कश्यप यांच्या वाहनावरही अंदाधुंद गोळीबार

विशेष प्रतिनिधी

विजापूर : छत्तीसगडच्या नक्षलग्रस्त विजापूर जिल्ह्यात काँग्रेस आमदार विक्रम मांडवी यांच्या ताफ्यावर नक्षलवाद्यांनी हल्ला केला. ताफ्यातील जिल्हा पंचायत सदस्या पार्वती कश्यप यांच्या वाहनावरही नक्षलवाद्यांनी अंदाधुंद गोळीबार केला. जिल्ह्यातील नक्षलग्रस्त भाग असलेल्या गंगालुर हाट मार्केटमध्ये रस्त्याची कॉर्नर सभा घेऊन आमदारांसह काँग्रेसचे सर्व नेते मुख्यालयात परतत असताना ही घटना घडली. पडेडा गावाजवळ नक्षलवाद्यांनी ताफ्यावर गोळीबार केला. Bijapur Congress MLA Vikram Mandvis convoy attacked by Naxalists

पोलिसांनी परिसरात शोधमोहीम तीव्र केली –

सुदैवाने नक्षलवाद्यांच्या गोळीबारात कोणतीही जीवितहानी झाली नाही. ताफ्यातील सर्व लोक सुरक्षित असल्याचे सांगण्यात येत आहे. या घटनेनंतर पोलिसांनी परिसरात शोध मोहीम तीव्र केली असून, मोठ्या प्रमाणात पोलीस बंदोबस्त तैनात करण्यात आला आहे. नक्षलवाद्यांच्या कोणत्या एरिया कमिटीने ही घटना घडवून आणली, याची माहिती अद्याप मिळालेली नाही.

याआधीही २०१९ मध्ये दंतेवाडा येथील भाजपा आमदार भीमा मांडवी यांच्यावर नक्षलवाद्यांनी हल्ला केला होता आणि या हल्ल्यात भाजपा आमदार भीमा मांडवी जागीच ठार झाले होते. त्याचवेळी विजापूरमध्ये भाजपाचे माजी वनमंत्री आणि आमदार महेश गगडा यांच्या ताफ्यावरही नक्षलवाद्यांनी हल्ला केला होता, त्यात माजी आमदार थोडक्यात बचावले होते.

दुसरीकडे, मंगळवारी नक्षलवाद्यांनी पुन्हा एकदा काँग्रेस आमदार विक्रम मांडवी यांच्या ताफ्याला लक्ष्य करण्यासाठी गोळीबार केला, त्यात ते थोडक्यात बचावले. सध्या या घटनेनंतर बस्तर पोलिसांनी घटनास्थळी पोलिसांचा फौजफाटा रवाना केला असून परिसरात सतत शोध घेतला जात आहे.