ऐतिहासिक कामगिरी : भारतात पहिल्यांदाच नदीखालून धावली मेट्रो, अवघ्या ४५ सेकंदात पार केलं ‘एवढं’ अंतर!Kolkata Metro creates History For the first time in India a Metro rake ran under any river today

ऐतिहासिक कामगिरी : भारतात पहिल्यांदाच नदीखालून धावली मेट्रो, अवघ्या ४५ सेकंदात पार केलं ‘एवढं’ अंतर!

जाणून घ्या, नेमकी कुठे घडली ही कामगिरी आणि पाहा तो व्हिडीओ

विशेष प्रतिनिधी

कोलकाता : देशातील सर्वात जुनी मेट्रो सेवा असलेल्या कोलकाता मेट्रोने इतिहास रचला आहे. भारतात पहिल्यांदाच नदीखालून मेट्रो धावली आहे. मेट्रोने हुगळी नदीखाली प्रवास केल्यामुळे हावडा ते कोलकातामधील एस्प्लेनेडपर्यंत ट्रेल रन आयोजित करण्यात आला होता. कोलकाता मेट्रोचे महाव्यवस्थापक पी उदय कुमार रेड्डी यांनी हा रन कोलकाता शहरासाठी ऐतिहासिक क्षण असल्याचे सांगितले. Kolkata Metro creates History For the first time in India a Metro rake ran under any river today

उदय कुमार रेड्डी म्हणाले की, हुगळी नदीखालून ट्रेन गेल्याची ही पहिलीच वेळ आहे. ३३ मीटर खोलीवर हे सर्वात खोल स्टेशन देखील आहे. भारतात पहिल्यांदाच असे घडले आहे. कोलकाता शहरासाठी हा ऐतिहासिक क्षण आहे. ते म्हणाले की, हावडा मैदान ते एस्प्लेनेड अशी चाचणी पुढील 7 महिने सुरू राहील. त्यानंतर ते लोकांसाठी नियमित सुरू केले जाईल.

४५ सेकंदात ५२० मीटर अंतर –

या वर्षी हावडा-एस्प्लेनेड सेक्शनवर व्यावसायिक सेवा सुरू होण्याची अपेक्षा आहे. मेट्रोने हुगळी नदीखालील ५२० मीटरचे अंतर ४५ सेकंदात कापले. नदीखालील हा बोगदा नदीपात्रापासून ३२ मीटर खाली आहे. हा विभाग हावडा मैदान आणि कोलकाताच्या आयटी हब सॉल्ट लेकमधील सेक्टर V ला जोडणाऱ्या पूर्व-पश्चिम मेट्रो कॉरिडॉरचा एक भाग आहे. हा प्रकल्प कोलकाता मेट्रोच्या उत्तर-दक्षिण मार्गावरील एस्प्लानेड स्टेशनला हावडा आणि सियालदह येथील भारतीय रेल्वे स्थानकांसोबत जोडेल.

https://youtu.be/DjhU8BqhGCA

Kolkata Metro creates History!For the first time in India,a Metro rake ran under any river today!Regular trial runs from #HowrahMaidan to #Esplanade will start very soon. Shri P Uday Kumar Reddy,General Manager has described this run as a historic moment for the city of #Kolkata. pic.twitter.com/sA4Kqdvf0v

— Metro Railway Kolkata (@metrorailwaykol) April 12, 2023

हा विकास कोलकाता मेट्रोसाठी आणखी एक मैलाचा दगड आहे कारण १९८४ मध्ये कोलकाता येथे सुरू झालेली देशातील पहिली मेट्रो रेल्वे देखील होती. यानंतर राजधानी दिल्लीने २००२ मध्ये मेट्रो सेवा देऊ केली.