LTTE विरोधात NIA ची मोठी कारवाई, आतापर्यंत छाप्यात 14 जणांना अटक; कॅश, सोने आणि ड्रग्ज जप्तNIA major operation against LTTE, 14 arrested in raid so far; Cash, gold and drugs seized

LTTE विरोधात NIA ची मोठी कारवाई, आतापर्यंत छाप्यात 14 जणांना अटक; कॅश, सोने आणि ड्रग्ज जप्त

वृत्तसंस्था

चेन्नई : देशातील दहशतवाद आणि त्याला आश्रय देणाऱ्यांवर सुरक्षा यंत्रणा सातत्याने कारवाई करत आहेत. एनआयएने भारत आणि श्रीलंकेदरम्यान अवैध ड्रग्ज आणि शस्त्रास्त्रांची तस्करी उघडकीस आणली आहे. एनआयएने तामिळनाडूमध्ये छापे टाकून एकाला अटक केली. एजन्सीने त्याच्याकडून मोठ्या प्रमाणात रोकड, सोने आणि ड्रग्ज जप्त केले. महत्त्वाचे म्हणजे या टोळीचा उद्देश टायगर्स ऑफ तामिळ इलम (LTTE) पुन्हा सक्रिय करणे हा आहे. NIA major operation against LTTE, 14 arrested in raid so far; Cash, gold and drugs seized

एनआयएच्या प्रवक्त्याने सांगितले की, गुरुवारी चेन्नईतील आठ संशयितांच्या निवासी आणि व्यावसायिक जागेवर छापे टाकून अय्यप्पन नंदूला अटक करण्यात आली. याप्रकरणी आतापर्यंत 14 जणांना अटक करण्यात आली आहे.

तामिळनाडूत 21 ठिकाणी छापे

मीडिया रिपोर्टमधून मिळालेल्या माहितीनुसार, प्रवक्त्याने सांगितले की, तपासात असे समोर आले आहे की NIA ने जुलै 2022 मध्ये गुन्हा दाखल केल्यानंतर, तमिळनाडूमध्ये 21 ठिकाणी टाकलेल्या छाप्यांमध्ये डिसेंबर 2022 मध्ये आणखी 13 जणांना अटक करण्यात आली होती. .

श्रीलंकेत ड्रग्ज आणि शस्त्रास्त्रांचा व्यापार

श्रीलंकेतील अंमली पदार्थ आणि शस्त्रास्त्रांच्या व्यापारातून मिळालेला पैसा चेन्नई येथील रहिवासी शाहिद अलीसह हवाला एजंटांमार्फत भारतात आणला गेला. शाहिद अलीच्या दुकानातून जप्त केलेल्या वस्तूंमध्ये भारतीय चलनातील 68 लाख रुपये आणि 1,000 सिंगापूर डॉलर्स आणि प्रत्येकी 300 ग्रॅम वजनाची नऊ सोन्याची बिस्किटे यांचा समावेश आहे. यासोबतच चेन्नईतील ऑरेंज पॅलेस हॉटेलमधून 12 लाख रुपये जप्त करण्यात आले आहेत.