मॉस्कोमध्ये आज जिनपिंग पुतीन यांची भेट : धोरणात्मक भागीदारीबाबत चर्चा; युद्ध थांबवण्याचा प्रयत्न करतील चीनचे राष्ट्राध्यक्ष|Meets Xi Jinping Putin in Moscow Today Discusses Strategic Partnership; Chinese President will try to stop the war

मॉस्कोमध्ये आज जिनपिंग पुतीन यांची भेट : धोरणात्मक भागीदारीबाबत चर्चा; युद्ध थांबवण्याचा प्रयत्न करतील चीनचे राष्ट्राध्यक्ष

वृत्तसंस्था

नवी दिल्ली : चीनचे राष्ट्राध्यक्ष शी जिनपिंग आज दोन दिवसांच्या मॉस्को दौऱ्यावर पोहोचणार आहेत. येथे ते रशियाचे अध्यक्ष व्लादिमीर पुतिन यांची भेट घेणार आहेत. रशिया-युक्रेन युद्ध सुरू झाल्यानंतर जिनपिंग पहिल्यांदाच मॉस्कोला जात आहेत. अनेक मतभेद असूनही दोन्ही नेत्यांमध्ये जवळीक टिकून आहे.Meets Xi Jinping Putin in Moscow Today Discusses Strategic Partnership; Chinese President will try to stop the war

युद्ध सुरू झाल्यानंतर चीन रशियाच्या पाठीशी उभा असल्याचे दिसले. जेव्हा अमेरिकेने रशियावर निर्बंध लादले तेव्हा चीनने अमेरिकेच्या या निर्णयाला विरोध केला आणि याला आगीत तेल ओतण्याचे पाऊल म्हटले. याशिवाय रशियाप्रमाणेच चीननेही नॉर्थ अटलांटिक ट्रीटीच्या (नाटो) विस्तारावर आक्षेप घेतला आहे.

बाकी कुणा मुख्यमंत्र्यांनी नाही, पण केरळच्या कम्युनिस्ट मुख्यमंत्र्यांनी शी जिनपिंग यांना पाठवला अभिनंदनाचा लाल सलाम!!

आता प्रश्न पडतो की जिनपिंग मॉस्कोला जाण्याचे प्रयोजन काय? त्यांना युद्ध संपवायचे आहे का? उत्तर आहे- जिनपिंग हे जागतिक नेते बनण्याचा प्रयत्न करत आहेत. त्यांचा प्रयत्न असा आहे की युद्ध संपले नाही तरी किमान ते पुतिन आणि झेलेन्स्की यांना युद्धविरामावर राजी करू शकतात. यानंतर राजनैतिक मार्ग खुले होतील आणि चीनला जागतिक नेता म्हटले जाऊ लागेल.

द्विपक्षीय दस्तऐवजावर स्वाक्षरी करणार

रशियन अधिकार्‍यांच्या मते, दोन्ही नेते रशिया आणि चीनमधील सर्वसमावेशक आणि धोरणात्मक भागीदारीचा विस्तार करण्यावर चर्चा करतील. आंतरराष्ट्रीय क्षेत्रात रशियन-चीनी सहकार्य अधिक दृढ करण्यावरही चर्चा होणार आहे. याशिवाय जिनपिंग आणि पुतिन एका महत्त्वाच्या द्विपक्षीय दस्तऐवजावर स्वाक्षरी करतील. या दस्तऐवजाशी संबंधित कोणतीही माहिती जाहीर करण्यात आलेली नाही.

‘नो लिमिट’ करारामुळे दोन्ही देशांची भागीदारी दृढ

युक्रेनमध्ये युद्ध सुरू झाल्यानंतर दोन्ही देशांनी ‘नो लिमिट’ धोरणात्मक भागीदारीवर स्वाक्षरी केली होती. युरोपीय देशांच्या बंदीनंतर चीनने रशियन तेल आणि वायूची खरेदी वाढवली आहे. त्याबदल्यात रशियाही तैवानच्या मुद्द्यावर चीनला साथ देत आहे. चीनने नेहमीच तैवानचा हिस्सा असल्याचा दावा केला आहे. त्याचबरोबर पुतिन यांनी तैवानला चीनचा अविभाज्य भाग मानले आहे.